BREAKING NEWS

Spartak Braho 'kap mat' Metën: Kjo që po bën presidenti s’ka ndodhur në asnjë vend të botës!

Spartak Braho 'kap mat' Metën: Kjo që po bën presidenti
x

Aktualitet

Situata në AlbControl/ Reagojnë Kontrollorët e Maqedonisë, thirrje qeverisë që të ulen për dialog: Mos i përdorni si vegla

Situata në AlbControl/ Reagojnë Kontrollorët e Maqedonisë,

Kontrollorët e trafikut ajror në Maqedoni ( MATCU) kanë reaguar në lidhje me grevën e kontrollorëve të Albcontrol ku për shkak të kësaj situate u pezullua puna në aeroportin e Rinasit.

Me anë të deklaratës, MATCU, është solidarizuar me kontrollorët e Albcontrol, ndërsa theksojnë se ata janë profesioniste të shquar me të cilët kanë bashkëpunim në mbi 25 vite.

Ata i bëjnë thirrje qeverisë që të zgjidhë situatën, duke mos i përdorur si vegla në politikë. 

Deklarata e plotë

Kontrollorët e trafikut ajror në Maqedoni ( MATCU), shprehin mbështetjen për kolegët në AlbControl.

Reagimi ynë vjen si rezultat i informacionit që morëm për presionin dhe sulmin ndaj kolegëve në Shqipëri. Ne dënojmë këtë aksion dhe dëshirojmë të ofrojmë të gjithë suportin për profesionistët e Alb Control.

Në këtë kohë krize, kur e gjithë bota është e prekur nga kornavirusi, kontrollorët e trafikut ajror janë pjesë thelbësore e industrisë së aviacionit dhe ne nuk e kemi luksin për të punuar në një vend të sigurt si pjesa tjetër e punëtorëve që janë në vijë të parë.

Kontrollorët e trafikut ajror janë duke u përpjekur për tu përballur me situatën e re, ku vetëm shton punën stresuese me rregullat strikte që duhet të ndjekim përfshirë edhe ligjet, siç përcaktohen nga EUROCONTROL dhe pjesë të tjera ndërkombëtare përmes të cilave sigurohet transporti më i sigurt dhe më i shpejtë i njerëzve dhe mallrave.

Kolegët tanë në Shqipëri gjithmonë janë treguar profesionalë dhe politika nuk është ajo që i përfaqëson. Ata nuk mund të përdoren si vegla në fushëbetejën e përditshme politike.

MATCU, kërkon nga autoritetet që të zgjidhet konflikti me dialog dhe jo nga një veprim i njëanshëm.

Gjatë 25 viteve të kaluara, duke bashkëpunuar me kolegët në Shqipëri ne kemi hasur vetëm njerëz të përgjegjshëm  dhe bashkëpunues dhe gjithmonë e kemi vlerësuar profesionalizmin e tyre.

Aleksandar Tasevski

President i MATCU

Situata në AlbControl/ Reagojnë Kontrollorët e Maqedonisë,