BREAKING NEWS

Propozimi i papritur i Silva Binos: Të mbyllim sërish fundjavat!

Propozimi i papritur i Silva Binos: Të mbyllim sërish fundjavat!
x

Aktualitet

Skandal/ Gazetari i emisionit investigativ "STOP" akuzohet për korrupsion, ja vendimi

Skandal/ Gazetari i emisionit investigativ "STOP" akuzohet për
Në fillim të muajit Tetor, kamera e fshehtë e “STOP” mundi të blejë një motor “Vespa” nga Rezervat e Shtetit, aty ku mbahen në ruajtje objektet e sekuestruara apo të bllokuara.
 
Më pas, ky motor u risekuestrua dhe nisën hetimet.
 
Por në mënyrë të paprecedentë, Prokurorja Ida Ahmetlli ka venë nën akuzë për “korrupsion aktiv” gazetarin investigativ të emisionit “STOP”.
 
Ky i fundit risjell në vëmendje edhe një herë kamerën e fshehtë të transmetuar më datë 4 Tetor 2016, ku bëhet e mundur blerja e motorit.
 
Pas transmetimit të këtyre pamjeve filmike nisën hetimet dhe prokurorja Ida Ahmetlli për të marrë informacion të mëtejshëm ka marrë në telefon gazetarin.
 
Ndërkohë vetë moderatori Saimir Kodra ka komunikuar me prokuroren, duke i kërkuar që të kontaktojë me Tv Klan, pasi gazetari nuk mund të dekonspirohet në këtë formë, sepse të tjera risqe hyjnë në lojë.
 
Por prokurorja Ida Ahmetlli ka marrë një vendim, “Për marrjen e personit si të pandehur dhe njoftimin e akuzës”, duke e hetuar gazetarin e emisionit “STOP” në gjendje të lirë për veprën penale “Korrupsion aktiv i personave që ushtrojnë funksione publike” të parashikuar nga neni 244 i Kodit Penal.
 
Ky është një rast i rrallë kur një gazetar ndiqet penalisht kur tenton të denoncojë një rast korrupsioni.
 
stoppj31