Skandali që bëri bujë, Romeo Kara tregon bisedën me politikanin britanik dhe lëshon paralajmërimin e fortë: Nuk do çuditesha nëse në Parlament...

Avokati i njohur Romeo Kara ka reaguar lidhur me skandalin që doli ditën e djeshme te ‘Shefqet Ndroqi’. Juristi shkruan se sistemi ka rënë, teksa sjell në vëmendje një bisëdë me një politikan britanik.

“Nuk do te cuditesha qe në të ardhmen kete sanitare t’a shihja në parlament, perkrah sivellezerve dhe simotrave të saj.  Ne duhet të perballemi pikerisht me vete sistemin”, përmbyll shkrimin e tij Kara.

Postimi i Romeo Karës

Kam pasur rast te takoj personalitete politike te shumte nga Europa Perendimore dhe ka qene nje politikan britanik ai i cili me fjale të thjeshta me kategorizoi për here të pare korrupsionin. Ka qene viti 1993.

“Korrupsioni eshte dukuri qe fillon nga lart Romeo”- me tha ai. “Zakonisht eshte mekati i pushtetareve të cilet shperdorojne postin dhe parate publike”.

“Megjithate, duhet të luftohet gjithmone perhapja e tij dhe pranimi i tij si nje dukuri e ligjshme edhe pse e pamiratuar procedurialisht si ligj.

Korrupsioni ligjeron zgjidhjet alternative, të cilat konkurojne shtetin derisa e marrin peng ate”.

Une e shoh me shume shqetesim zbritjen e kesaj dukurie nga lart-poshte”-me tha miku im.

“Kur kjo dukuri, vihet re edhe tek roja e nje institucioni dhe pastruesit e tij, atehere sistemi ka degraduar dhe ka falimentuar”- me tha miku im britanik.

“Pikerisht duhet të bejme kujdes t’a ruajme sistemin, sepse humbja e besimit tek ai, sjell anarshine”.

Keto fjale mu kujtuan pikerisht dje dhe sot, kur u sekelldisa mjaftueshem me mashtrimin, shperdorimin e detyres dhe korrupsionin e nje sanitareje të sanatoriumit, e cila me shume se papastertite, arriti të pastroje xhepat e nje hallexhieje.

Sistemi ka rene, sado qe perpiqen pushtetaret t’a mbulojne m.... me sh.... dhe besimi yne ndaj tij tashme i perket vetem historise.

Ajo sanitare i hoqi tullen e fundit moralit të sistemit, ajo eshte vetë sistemi.

Nuk jane larg saj në të gjitha parametrat, stil, pamje dhe retorike edhe vete drejtuesit e sistemit.

Nuk do te cuditesha qe në të ardhmen kete sanitare t’a shihja në parlament, perkrah sivellezerve dhe simotrave të saj.

Ne duhet të perballemi pikerisht me vete sistemin.