Skandali seksual që tronditi opinionin publik/ Iris Luarasi bën deklaratën e fortë: Më mirë të vdiste, do të ishte një “wc” më pak!

Eglantina Xhaferri rrëfeu se burri i saj kishte abuzuar seksualisht me vajzën 13 vjeçare për dy vite dhe ajo e kishte kuptuar së fundmi.

Po ashtu, Eglantina rrëfen se pasi njerku i vajzës pranoi abuzimin seksual prej dy vitesh ndaj saj, tentoi të vriste vete. “Morri thikën të priste damarët, por unë e ndalova. I thashë nuk të dua të vdekur, dua që ti të largohesh nga ne”.

E ftuar në studion e “Shqipëria live”, pedagogia Iris Luarasi thotë: “Ta kishte lënë të vdiste, do të ishte një ‘ëc’ më pak. Do i bënte mirë të gjithë shoqërisë, një pedofil më pak në shoqëri. Por, ai e ka bërë këtë veprim thjesht për t’i ushtruar presion psikologjik viktimës që ta falte. Kjo është akoma më e rëndë”.

Luarasi shpeshherë  ka folur për rëndësinë e deklarimit të pedofilëve dhe krijimit të regjistrit elektronik të tyre.

Po ashtu, pedagogu Elvin Luku, ngre alarmin për 98 pedofilë, të cilët, sipas tij pasi kanë mbaruar dënimin janë të lirë dhe të paidentifikuar. Kastrimin kimik ai e sheh si zgjidhje për të mbrojtur fëmijët nga abuzuesit.

“Në analizën tonë, ka rezultuar se këta individë janë përsëritës. Pedofilia nuk është sëmundje e shërueshme, por mund të mbahet nën kontroll me trajtim dhe kurim“.