Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Skuthlliqet e Lali Erit”, aktori i njohur nxjerr prapaskenat e shembjes së TK dhe ka një paralajmërim të rëndësishëm: Mezi pres që të përballemi!

Postuar: 19/07/2019 - 10:54

Teksa është bërë më intensive lufta për mbrojtjen e godinës së Teatrit Kombëtar, artistët janë edhe më të vendosur për të rezistuar, qoftë edhe duke u përplasur fizikisht me punonjësit e policisë apo IKMT-së.

Pas një nate pa gjumë të kaluar në sheshin e Teatrit, Neritan Liçaj ka qenë në studion e Fax News, ka rikonfirmuar qëndrimin e artistëve se Teatri nuk do të prishet.

Ai e quajti planin për zhvendosjen e materialeve nga TK si një provokim të radhës nga Bashkia e Tiranës, dhe shtoi se prishja e godinës do të sillte fundin përfundimtar të Erion Veliajt.

“Ministrja e Kulturës mohon që të ketë një dokument për zhvendosjen e materialeve të Teatrit Kombëtar. Teatrit eksperimental i kanë kërkuar që të largohen. Kemi dëgjuar shumë në gjithë këto kohë, ne e dimë që nuk vijnë dot dhe e gjitha kjo bëhet për provokim. Ne do të jemi 24 orë në 24 aty, janë thjesht skuthlliqet e Lali Erit dhe Edi Ramës, i provuan të gjitha taktikat me ne dhe nuk ja dolën. Unë personalisht mezi pres që të përballemi, pasi ka ardhur koha që ne të masim forcën tonë. Teatri Kombëtar është kthyer në një betejë kombëtare, kjo është vija për të mbrojtur vendin”, u shpreh Liçaj.

Aktori tha më tej se dhjetëra qytetarë janë solidarizuar mbrëmjen e djeshme me ta, dhe askush nuk do të bëjë pushime, pasi vigjilenca në mbrojtje të godinës do të jetë maksimale.

“Ndjeshmëria ndaj Teatrit është shumë e madhe, ndenjën me ne gjithë natën dhe qytetarë që nuk kishin qenë kurrë më parë. Problemi më i madh është se ne kemi bërë aleancë shumë të fortë me intelektualë, dhe me grupe të tjera opozitare, do të ndizet një vullkan shumë i madh. Në nuk do të bëjmë pushime dhe t’i lëmë Teatrin sa halabakëve që duan që të pastrojnë paratë e drogës, unë e kam thënë dhe më parë që Teatri do të jetë fundi i tyre”, tha aktori.

Liçaj nuk la pa komentuar as zërat për përçarjen e artistëve, duke thënë se një pjesë e tyre janë korruptuar në mënyra të ndryshme nga segmente pranë qeverisë.

“Shumë prej artistëve u kërcënuan, dhe një pjesë e tyre edhe pse nuk mund ta them me siguri janë korruptuar. Po unë ua njoh zemrat shumicës prej tyre, dhe e di që përveç tre katër kokrrave asnjë prej artistëve nuk do që Teatri të shembet”, deklaroi ai.

Aktori u shpreh se ka besim që do të ketë një deklarim edhe më të qartë nga institucionet ndërkombëtare kundër prishjes së Teatrit, ndërsa e quajti efektiv bashkëpunimin me opozitën, që sipas tij kur do të vijë në pushtet, do të vendosë për rikonstruktimin e godinës.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 24/08/2019 - 13:40

Një grua ka mbetur e plagosur rëndë për jetën, teksa duke kaluar në rrugë është përplasur nga një makine tip “Audi”.

Postuar: 24/08/2019 - 12:31

Gjykata e Tiranës caktoi masën “arrest me burg” për 27-vjeçarin Lorenc Veliaj, dëshmi

Postuar: 24/08/2019 - 12:09

Gjykata ka dhënë masën e sigurisë 'arrest me burg' për Agron Selmanin.

Postuar: 24/08/2019 - 11:51

Policia e Korçës ka arrestuar një 31-vjeçar pasi xhironte gomat dhe kryente veprime të pa kontrol

Postuar: 24/08/2019 - 11:31

Një ngjarje e rëndë është shënuar mëngjesin e sotëm në rrethinat e Tiranës.