BREAKING NEWS

“Shqipëria rrezikon kapjen totale të shtetit!”/ Meta nuk ndalet, tjetër kërkesë urgjente Komisionit të Venecias: Asnjë reflektim nga ... (Letra e plotë)

x

Aktualitet

Sot 5 orë mocion me debat për shkarkimin e Presidentit Meta, para Kuvendit ndodh ajo që nuk pritej

Parlamenti sot ka shtuar masat e sigurisë. Mësohet se do të jenë 250 efektivë të pranishëm. Gjithashtu godina është rrethuar me gardh metalik dhe tel me gjemba.
 
Kujtojmë se në seancën e sotme plenare, kuvendi zhvillon mocion debati për rezolutën kundër vendimit të presidentit Ilir Meta për anulimin e zgjedhjeve të 30 qershorit. Kryeministri Edi Rama ka njoftuar se do të mbajë fjalën e tij në orën 12:00.
 
"Sot në 12.00 në Kuvendin e Shqipërisë, fjala ime në debatin e Rezolutës, Mbi aktin e presidentit të republikës për shfuqizimin e dekretit nr. 10928, datë 05.11.2018 “për caktimin e datës së zgjedhjeve për organet e qeverisjes vendore”, shkruan Rama.
 
Ndërkohë që përpara nisjes së seancës, PS ka mbledhur grupin parlamentar në sallën e seancave plenare për të diskutuar rreth mocionit që do të mbahet në Kuvend dhe lidhur me argumentet që do të japin për të kundërshtuar dekretin e presidentit.