SPAK arreston dy zyrtarë brenda Drejtorisë së Burgjeve

Prokuroria e Posaçme kundër Korrupsionit dhe Krimit të Organizuar ka arrestuar dy persona për ndikim të paligjshëm tek zyrtarët e drejtorisë së Burgjeve për punësime.

Të arrestuarit janë; K.Gj dhe A.B. Sipas prokurorisë, nga hetimet me Shërbimin e Kontrollit të Brendshëm në Sistemin e Burgjeve ka rezultuar se K.Gj. dhe A.B. në bashkëpunim me njëri tjetrin, kanë kërkuar dhe kanë marrë përfitime materiale të padrejta, në formën e shumave monetare, me qëllim për të ushtruar ndikim të paligjshëm në Drejtorinë e Përgjithshme të Burgjeve.

Shumat monetare janë kërkuar dhe janë marrë me qëllim për të bërë të mundur punësimin e një personi në strukturat në varësi të Drejtorisë së Përgjithshme të Burgjeve. Arrestimet janë kryer dje.