BREAKING NEWS

Thellohet skandali, Ilir Meta 13 shkresa shantazhuese ndaj KLGJ e KED brenda vitit, ja si po tenton të kapë Gjykatën e Lartë e Kushtetuese

Thellohet skandali, Ilir Meta 13 shkresa shantazhuese ndaj KLGJ e KED brenda
x

Aktualitet

SPAK kërkon sekuestrimin e pasurive për Valentin Selajn pas letër-porosisë nga Holanda, nga garazhe, te toka e automjete

SPAK kërkon sekuestrimin e pasurive për Valentin Selajn pas

Prokuroria e Posaçme Antikorrupsion pas një letër-porosie të ardhur nga Holanda, ka kërkuar dje sekuestrimin e 17 pasurive të Valentin Selajt dhe familjarëve të tij, pasi dyshohet se janë përfituar nga aktiviteti kriminal. Sipas SPAK, Selaj është emër i njohur ndërkombëtarisht, për drejtësinë, pasi dyshohet si koka e trafikut të kokainës nga vendet e Amerikës Latine drejt Holandës dhe më pas shpërndarjes së saj në Itali e Angli. SPAK gjithashtu bën me dije se para dy vitesh Selaj është arrestuar si koka e trafikut të drogës edhe në Itali. Në një letër porosi të ardhur nga Holanda thuhet se, Valentin Selaj, paratë e fituara nga aktiviteti kriminal dhe trafiku i kokainës i ka investuar në Shqipëri në prona e biznese të paluajtshme dhe të luajtshme. “Nga verifikimet e kryera ka rezultuar se shtetasi Valentin Selaj dhe personat e lidhur me të Valentin Vasil SELAJ, Vasil Gjergj SELAJ, (babai i Valentinit), Leze Kolë SELAJ, (nëna e Valentinit) dhe Aleks Vasil SELAJ alias Ardian Vasil SELAJ, (vëllai Valentinit), kanë në Shqipëri disa pasuri të paluajtshme dhe të luajtshme që janë banesa, troje, toka bujqësore, llogari bankare dhe mjete motorike”, deklaron SPAK. Burime nga SPAK gjithashtu bëjnë më dije se gjatë këtyre hetimeve personave në fjalë u janë sekuestruar sasia prej 97 kg lëndë narkotike e llojit kokainë dhe 16 kg heroinë.
17 pasuritë e sekuestruara
Nisur nga letërporosia e ardhur nga Holanda, SPAK ka nisur hetimet dhe ka arritur në përfundimin se këto janë pasuritë në emër të Valentin Selaj, por dhe familjarëve të tij që nuk justifikohen duke u dyshuar si të vënë nga paratë e krimit për të cilat ajo ka kërkuar nga GJKKO konfiskimin e tyre. Sipas SPAK është bërë sekuestrimi i pasurisë në bashkëpronësi të shtetasit Valentin Vasil Selaj, me adresë Rrile Lezhe, me sipërfaqe 5 600 m2, lloji i pasurisë Arë + truall. Pasuria në pronësi të shtetasit Vasil Gjergj Selaj, me adresë Rrile Lezhë, me sipërfaqe 500 m2, lloji i pasurisë truall. Pasuria në pronësi të shtetasit Vasil Gjergj Selaj, me adresë Rrile Lezhë, me sipërfaqe 3633 m2, lloji i pasurisë are. Pasuria në pronësi të shtetasit Vasil Gjergj Selaj, me adresë Rrile Lezhë, me sipërfaqe 500 m2, lloji i pasurisë truall, mbi të cilën është ndërtuar një godinë banimi dy katëshe me sipërfaqe 178.7 m2. Pasuria në pronësi të shtetasit Vasil Gjergj Selaj, me adresë lagjia “Besëlidhja” Lezhë, me sipërfaqe 53,125 m2, lloji i pasurisë “Njësi Shërbimi”, blerë me çmimin 6 019 128 lekë në datë 27.02.2013. Pasuria në pronësi të shtetasit Vasil Gjergj Selaj, me adresë Rrile Lezhë, me sipërfaqe 15 500 m2, lloji i pasurisë arë. Pasuria me adresë Rrile Lezhë, me sipërfaqe 5 600 m2, lloji i pasurisë “Are + truall”. Këtë pasuri shtetasi Vasil Selaj e ka në bashkëpronësi me shtetasin Valentin Selaj dhe Leze Selaj. Pasuria në pronësi të shtetasit Aleks Vasil Selaj, me adresë Shëngjin Lezhë, me sipërfaqe 13.25 m2, lloji i pasurisë garazh. Pasuria në pronësi të shtetasit Aleks Vasil Selaj, me adresë Shëngjin Lezhë, me sipërfaqe 13.25 m2, lloji i pasurisë garazh. Pasuria në pronësi të shtetasit Aleks Vasil Selaj, me adresë Shëngjin Lezhë, me sipërfaqe 13.25 m2, lloji i pasurisë garazh. Pasuria në pronësi të shtetasit Aleks Vasil Selaj, me adresë Barbudhoj Lezhë, me sipërfaqe 2200 m2, lloji i pasurisë kullotë. Pasuria me adresë Rrile Lezhë, me sipërfaqe 200 m2, lloji i pasurisë truall. Pasuria në pronësi të shtetasit Valentin Vasil Selaj, me adresë Rruga “Bajram Curri” Tiranë, sipërfaqe totale e pasurisë 118.1 m2, data e rregjistrimit të pasurisë 02.05.2017. Automjeti me targë AA 890 TD në pronësi të shtetasit Vasil Gjergj Selaj, i llojit autoveture, marka Daimler Chrysler, tipi 211016, modeli E 270 CDI, viti i prodhimit 2003. Llogari bankare rrjedhëse në shumën 5 022 Euro. Llogari bankare rrjedhëse në shumën 1 091 533 Lekë. Shoqëria “Aleks Selaj”, me NIPT L67611501E, në pronësi të shtetasit Aleks Vasil Selaj, me aktivitet “Hotele dhe struktura te ngjashme”, me status aktiv prej 11/02/2016.

Më të lexuarat