Spartak Ngjela jep mesazhin e trishtë: Sapo mora lajmin e hidhur...

Avokati i njohur Spartak Ngjela ka shprehur ngushëllimet për ndarjen nga jeta të Presidentit të Fax News, Kasem Hysenbelli, i cili ndërroi jetë mëngjesin e sotëm në Turqi pasi humbi betejën me koronavirusin.

Ngjela shkruan se ai ishte një njeri i drejtë dhe me vizion modern për televizionin.

 “Sapo mora lajmin e hidhur: ka vdekur Ksem Hysenbelli; drejtuesi ligjor i televizionit Fax News.

Ishte miku im. I drejtë dhe me vizion modern për televizionin. I guximshëm dhe aspak abuzues në prioritete politike.

Ishte një drejtues human, njeri i progresit dhe drejtues mediatik me aftësi të veçanta për stafet që drejtonte; gjithmonë me aftësinë profesionale si prioritet për gazetarët.

Është humbje me afekt në të gjithë qerthullin televiziv shqiptar.

U prehsh në paqe, o miku im me vlerë!...”, shkruan Spartak Ngjela.