Humb jetën zyrtari i lartë, Spartak Ngjela: Pushofsh në paqe, o njeri i madh i kohës sonë

Avokati i njohur Spartak Ngjela ka reaguar pas lajmit se ish-Senatori republikan, Bob Dole, një hero i Luftës së Dytë Botërore, vdiq të dielën në moshën 98-vjeçare. Gruaja e tij, Elizabeth Dole, e postoi njoftimin të dielën në Twitter, duke theksuar se ai vdiq në gjumë.

Në vitin 1990, Dole ka udhëhequr një delegacion të SHBA-së në Kosovë, ndërsa në gusht të vitit 2020, për nder të angazhimit të tij për Kosovën, busti i tij është ?vendosur në Prishtinë.

Ngjela shkruan se Dole ishte figurë e madhe ndërkombëtare

Spartak Ngjela shkruan:

“Bob Dole... figurë e madhe ndërkombëtare; një amerikan i madh, humanist dhe statist i madh; por, për ne shqiptarët, Bob Dole ishte një mbrojtës i madh i çështjes së Kosovës, me një theks tejet humanist. Shqiptarët nuk do ta harrojnë kurrë statistin e madh Bob Dole ; sepse ai tani ka hyrë me dritë të veçantë në historinë e Shqipërisë.

Pushofsh në paqe, o njeri i madh i kohës sonë!”