Sulmi ndaj Top Channel në gjithë godinën e TV/ Publikohen detajet e reja, ja ku e kanë vjedhur ‘Range Rover-i’ autorët, zbardhen pistat kryesore që po heton policia

Detaje të reja kanë dalë në dritë nga ngjarja e rëndë ku persona të paidentifikuar qëlluan me armë zjarri në drejtim të ambienteve të Top Channel.

Për pasojë humbi jetën roja i sigurisë, 60 vjeçari Pal Kola. 60 vjeçari po ngrohej brenda kabinës në momentin kur e kanë kapur breshëria e plumbave.

Nga të dhënat paraprake, autorët kanë lëvizur me një automjet tip Range Rover, i cili rezulton se është e vjedhur në Shkodër.

Plumbat janë derdhur në katin e parë dhe dytë të godinës si edhe në kabinën ku ndodhej roja, i cili mori një plumb dhe ndërroi jetë pak minuta pas ngjarjes së rëndë.

Raportohet se sipas burimeve policore, kanë qenë tre persona në makinë. Mjeti Range Rover u gjet më pas i djegur në Golem, brenda të cilit ndodheshin edhe dy kallashnikov.

Gazetarja raporton se një nga pistat kryesore që po heton policia është ajo e goditjes për shkak të fjalës së lirë.

Megjithatë, nuk përjashtohet edhe mundësia që ngjarja është shkaktuar si pasojë e një konflikti të mundshëm për shkak të pronësisë.