BREAKING NEWS

Këshilli i Bashkisë nderon me titullin “Qytetar Nderi i Skraparit”, Spartak Brahon, në vlerësim të veprimtarisë së tij të shquar si deputet, si publicist dhe veprimtar i devotshëm shoqëror

Këshilli i Bashkisë nderon me titullin “Qytetar Nderi i
x

Aktualitet

Surprizon Prokuroria e Përgjithshme, i vetmi institucion që bie dakord në mënyrë të menjëhershme me buxhetin e propozuar nga Ministria e Financave

Surprizon Prokuroria e Përgjithshme, i vetmi institucion që bie dakord

Ministrja e Financave dhe Ekonomisë, Anila Denaj, prezantoi projektligjin “Për buxhetin e shtetit 2021”, në Komisionin  parlamentar për Veprimtarinë Prodhuese, Tregtinë dhe Mjedisin.

Gjatë prezantimit Ministrja Denaj, u shpreh,  se objektivi i Qeverisë Shqiptare nëpërmjet projektbuxhetit 2021, është  rimëkëmbja ekonomike dhe rikthimi në parametrat pozitivë të zhvillimit ekonomik, ulje e mëtejshme e papunësisë dhe konsolidim fiskal në afatmesëm.

Në lidhje me këtë çështje ditët e fundit ka pasur shumë debate dhe diskutime të forta, pasi kërkesat kanë qenë të shumta nga institucionet e pavarura të drejtësisë në vend që kërkojnë më shumë para nga buxheti i Shtetit.

Por kjo ka pasur kundërshtime të forta nga anëtarët e Komisionit për çështjet Ligjore, Administratën Publike dhe të Drejtat e Njeriut. Por teksa anëtarët e Komisioneve refuzonin në mënyrë kategorike kërkesat e këtyre institucioneve për më shumë para, për paga e shpërblime, surpriza e këtij viti ka qenë Prokuroria e Përgjithshme.

Ky institucion i rëndësishëm ka rënë dakord menjëherë për buxhetin e vitit të ardhshëm të vendosur nga Ministria e Financave.

Dëgjesa ishte parashikuar 30 minuta, por përfaqësuesve të këtij institucioni iu ka dashur vetëm 5 minuta për të arritur dakordësinë.

Nga sqarimet e Sekretarit të Përgjithshëm të këtij institucioni numri i punonjësve për vitin e ardhshëm e për rrjedhojë edhe fondi i pagave dhe sigurimeve shoqërore është i njëjtë si viti aktual, duke respektuar tavanin e përcaktuar nga Ministria e Financave dhe Ekonomisë, falë një pune shumë efektive në drejtim të riorganizimit të Policisë Gjyqësore, sekretarisë së Prokurorisë si dhe të strukturave ekonomike.

Edhe shpenzimet operative dhe ato kapitale janë brenda parashikimeve të Ministrisë së Financave dhe iu përgjigjur dinamikave gjithmonë në rritje të numrit të procedimeve dhe hapave organizative që synon Prokuroria e Përgjithshme.

Viti 2021 parashikohet një vit i vështirë për ekonominë dhe financat e vendit ndaj pak objektivizëm nga ana e institucioneve në kërkesat e tyre do të ishte i mirëpritur.

 

Më të lexuarat