Tjetër humbje e rëndë në vend, Covid-19 i merr jetën parakohe muzikantit të njohur shqiptar, prej një muaj luftë me sëmundjen në Turqi, miku i tij jep lajmin e hidhur

Një tjetër humbje jete në vendin tonë nga covid-19. Virusi i ka marrë jetën ish drejtorit të shkollës së muzikës “Prenk Jakova”, në Shkodër, Sokol Marku.

Prej një muaji, ai po luftonte në betejën për jetën, pasi ishte infektuar me Covid-19. Muzikanti i njohur ishte dërguar së fundmi në Turqi për mjekim të specializuar, por nuk arriti ta fitonte këtë betejë.

Prej vitit 2009, deri në vitin 2014 ai ishte drejtor i shkollës së muzikës në Shkodër “Prenk Jakova”.

Lajmi për ndarjen nga jeta të tij u bë i ditur në rrjetet sociale nga miku i tij, kompozitori Gjon Shllaku, i cili shkruan: 

“Natën e emnit tand u ndave nga kjo jetë, shok e mik i paharrueshëm Sokol Marku”.