Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Trafik armësh nga Maqedonia, Gjykata për Krime të Rënda dënon me 9 vite burg 32-vjeçarin

Postuar: 20/04/2019 - 08:16

Gjykata për Krime të Rënda ka dënuar me 9 vite burg Ylber Sumën, i arrestuar rreth tetë muaj më parë, pasi tentoi të trafikonte armë nga Maqedonia drejt Shqipërisë. 32-vjeçari, maqedonas por me banim në Kosovë u gjykua nga Krimet e Rënda me gjykim të shkurtuar nga ku përfiton 1/3 e uljes së dënimit. Në vendimin e saj përfundimtar togat e zeza të krimeve të rënda u shprehën se Suma do të vuaj 6 vite heqje lirie, duke filluar që nga momenti i arrestimit. Për maqedonasin e arrestuar në korrik të vitit 2018, organi i akuzës kërkoi dënimin e tij me 12 vite burg. Vendimi për të riun u dha nga gjykata tre ditë më parë, ndërsa përpara se trupi gjykues të tërhiqej për vendim ka mohuar akuzat se pistoletat e sekuestruara në makinën që po udhëtonte do ti shiste në Elbasan. Sipas prokurorisë i pandehuri merrej me trafik armësh dhe se dy pistoletat që policia gjeti dhe sekuestroi në automjetin e tij do të shiteshin në Elbasan kundrejt vlerës prej 500 eurove. Në fund të këtij procesi gjyqësor gjykata e gjeti fajtor 32-vjeçarin për veprën penale të trafikimit të armëve të zjarrit dhe municionit duke e dënuar përfundimisht me 9 vite burg.

Hetimet

Pas gjetjes dhe sekuestrimit të dy pistoletave dhe fishekëve të gjetura në makinën që po udhëtonte 32-vjeçari, Krimet e Rënda në bashkëpunim me policinë, zbuluan fillimisht aktivitetin që kryente Suma. Nga hetimet u zbulua se dy pistoletat e sekuestruara do të shiteshin në qytetin e Elbasanit për 1000 euro nga 500 euro secila. Organet ligjsbatuese të vendit tonë kishin marrë informacion në rrugë operative për trafikun e armëve që kryente 32-vjeçari nga Maqedonia. Pas informacionit të marrë nga policia se 32-vjeçari kishte hyrë në territorin Shqiptar dhe informacionin që uniformat blu kishin për aktivitetin kriminal të Sumës, e Specialistët e Hetimit të Krimeve dhe Specialistët për Hetimin e Trafiqeve të Paligjshme dhe Narkotikeve, në Drejtorinë Vendore të Policisë Elbasan, pas një pune të mirëorganizuar bënë të mundur arrestimin e maqedonasit si dhe parandalimin e këtij aktiviteti kriminal. 32-vjeçari u arrestua në fshatin Urakë, kur i ishte drejtuar qytetit të Elbasanit, ku do bëhej dhe shitja e armëve.

Operacioni “URAKA”

Më korrik të vitit që lamë pas Policia e Elbasanit në bashkëpunim me Prokurorinë për Krime të Rënda goditi një aktivitet kriminal në fushën e trafikimit të armëve të zjarrit dhe municioneve luftarake. Më 28 korrik të vitit 2018 Policia e Shtetit në bashkëpunim me krimet e rënda finalizuan një operacion të koduar “URAKA 1”, në sajë të cilit sekuestroi dy armë zjarri tip pistoletë dhe një sasi fishekësh. Në sajë të këtij operacioni në atë kohë u arrestua në flagrancë poseduesi i tyre, 32 vjeçari nga Maqedonia Ylber Suma me banim në Kosovë. Si rezultat i këtij operacioni në atë kohë policia tha se në vendin e quajtur fshatin Urake, në qytetin e Përrenjasit është bërë i mundur arrestimi në flagrancë i shtetasit: Ylber Suma, 32 vjeç, lindur në Shkup, Maqedoni dhe banues në fshatin Dimcë, komuna Hani i Elezit, Kosovë. Arrestimi i 32-vjeçarit u bë pasi gjatë kontrollit të automjetit tip “Alfa Romeo” me targa SK3771AD, të cilin i riu e drejtonte vetë, policia gjeti dhe sekuestroi në cilësinë e provës materiale, 2 armë zjarri tip pistoletë dy krehëra, dhe 5 fishekë. Ky shtetas këto armë zjarri bashkë me municionet përkatëse, i kishte futur në mënyrë të kundraligjshme nga Maqedonia, me qëllim për ti shitur ato me pas në qytetin e Elbasanit, kundrejt vlerës 500 Euro copa. 32-vjeçari, Ylber Suma u shpall fajtori dhe u dënua me 9 vite burg tre ditë më parë nga Gjykata për Krime të Rënda Tiranë, për veprën penale “Trafikim i armëve të zjarrit dhe municioneve luftarake” të parashikuar nga neni 278/a i Kodit Penal.

Elvis Myrta

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 19/08/2019 - 18:35

Policia në Kremona të provincës së Lombardisë ka arrestuar një shqiptar 28 vjeç, pasi ai akuzohet për vjedhje të rëndë në një supermarket.

Postuar: 19/08/2019 - 18:28

Burimet thonë se drejtori i burgut "313", Maksim Hamitaj, dyshohej se kishte kryer disa

Postuar: 19/08/2019 - 18:00

Ngjarja skandaloze ku u përfshi në konflikt pronari i restorantit ‘’Panorma’&rs

Postuar: 19/08/2019 - 17:43

Një i riu shqiptar ka humbur jetën në një aksident të ndodhur këtë mëngjes në Villamarina të komu

Postuar: 19/08/2019 - 17:30

Një shqiptar është dëmtuar rëndë në trup, pasi ra nga pema duke kapur një tullumbace.

Postuar: 19/08/2019 - 17:01

Aksi rrugor Vorë-Rinas-Fushë Krujë vijon të mbetet një makth për të gjithë drejtuesit e mjeteve.

Postuar: 19/08/2019 - 16:11

Autoriteti Kombëtar i Ushqimit bën me dije se ka bllokuar 3 subjekte, pasi ushtronin aktivitet pa