Trafik droge dhe gjobëvënie nga burgu/ SPAK vihet menjëherë në lëvizje dhe kërkon futjen urgjente në “Bis 41” për këto 3 të dënuar

Kanë nisur verifikimet për tre të dënuarit për sjelljet e tyre dhe kontaktet që mbajnë jashtë me anëtar të grupeve kriminale. Duke u nisur nga këto informacione, Prokuroria e Posaçme kundër Krimit të Organizuar dhe Korrupsionit, SPAK, ka nisur verifikimet.

Në këto informacione thuhet se ka dyshime të arsyeshme se të dënuarit janë përfshirë në trafik droge dhe në një rast gjobvënie.

Në përfundim të verifikimit, SPAK pritet ti propozojë ministrit të drejtësisë futjen në regjim të posacëm për 3 të dënuarit.

Aktualisht në “bis 41” janë 7 të dënuar.

Ndërkohë vendimet e ministres së drejtësisë për futje në regjim të posaçëm janë kundërshtuar në gjykatë dhe pritet vendimi për të parë nëse janë të drejta apo të gabuara.