Tronditet Burreli/ Qëllohet me armë zjarri gjatë natës një burrë, arrestohet në flagrancë 35-vjeçari (Dalin detajet si ndodhi ngjarja)

Një plagosje me armë zjarri raportohet nga Burreli.

Mësohet se 35-vjeçari F.GJ ka plagosur 60-vjeçarin A.GJ, mbrëmë orës 22.10.

Sakaq, policia ka arrestuar autorin, ndërsa i plagosuri ndodhet tek spitali i Traumës jashtë rrezikut për jetën.

Njoftimi i policisë për ngjarjen:

Më datë 22.08.2019, rreth orës 22.10, shërbimet e Policisë së Komisariatit Mat, kanë marrë informacion se në fshatin Baz, në Burrel, shtetasi F.Gj, 35 vjeç, për motive të dobëta, ka plagosur me armë gjahu dhe më pas është larguar nga vendi i ngjarjes, shtetasin A.Gj, rreth 60 vjeç, banues në fshatin Baz, i cili ndodhet në spitalin e Traumës, Tiranë, jashtë rrezikut për jetën.

Shërbimet e Komisariatit të Policisë Mat, kanë organizuar menjëherë punën për zbardhjen, dokumentimin e kapjen e autorit të ngjarjes dhe në bashkëpunim me shërbimet e Komisariatit të Policisë Lezhë kanë bërë të mundur kapjen në kohë rekord të shtetasit F.Gj, autori i ngjarjes.

Materialet hetimore do t’i referohen Prokurorisë Mat për hetime të mëtejshme.