U arrestuan si bashkëpunëtore të Tires, Gjykata e Apelit merr vendimin surprizë për një nga infermieret dhe sanitaren e ‘Shefqet Ndroqit’

Gjykata e Apelit ka pranuar kërkesën e infermieres S.Çela dhe sanitares R.Hoxha, për t’u liruar nga burgu. Vendimi është dhënë pak çaste më parë.

Avokatja e tyre Antoneta Sevdari ka thënë se Prokuroria nuk ka pasur prova që të arrestuarat kanë bashkëpunuar me Tire Alldervishin, sanitaren që prezantohej si infermiere te “Shefqet Ndroqi”.

Kujtojmë që, sipas hetimeve të prokurorisë, si dhe zbardhjes së tabulateve telefonike, të dyja akuzohen se kishin biseduar shpesh herë me Tiren për mënyrën se si do t’i ndanin paratë e marra nga pacientët.

“Detyrim për t'u paraqitur e mbështesim vendimin e gjykatës. Prokurori nuk kishte evidentuar veprimin apo mos veprimin. Vetë vendimi i gjykatës dilte në konkluzionin se nuk kishin bashkëpunuar me Tire Alldervishin. Gjykata tha se prokuroria duhet të kishte konstatuar veprimet e paligjshme, dhe se në përgjime nuk kishte prova të mjaftueshme për të evidentuar bashkëpunimin mes personave. '- tha avokatja.

Ndërkohë që për M.Bushin dhe Sh.Koçin, gjykata ka vendosur mospranim ankimi.