“U thashë policëve që kam foshnjën në gji”/ Zbardhet dëshmia tronditëse e nënës lehonë para togave të zeza: Fëmijën e parë kam 5 vite pa e takuar

Nëna lehonë, Diana Bahçja e cila u arrestua 8 ditë pasi solli në jetë foshnjën e saj, ka dalë para togave të zeza. Pas kërkesës së avokatëve të saj, gjykata vendosi lirimin e saj nga qelia.

“U thashë policëve që kam foshnjën me gji. Nuk e kam takuar fëmijën e parë prej 5 vitesh”, tha ajo para togave të zeza.

Diana Bahçja u arrestua nga policia e Shkodrës më 7 mars. Gjykata e Tiranës i kishte vendosur një gjobë në vitin 2020 prej 250 mijë lekësh të reja dhe këtë vendim ia ka konvertuar pas tre vitesh, në dënim me burg 1 muaj e 20 ditë.

Sipas avokatëve, ajo nuk kishte qenë në dijeni as për dënimin me gjobë dhe as për konvertimin e gjobës në burgim nga Gjykata e Tiranës.

Avokatët e Diana Bahçja kërkuan shtyrjen e ekzekutimit të vendimit për dënimin e saj deri kur fëmija të mbushë 1 vjeç, pasi ka nevojë urgjente për praninë e nënës së tij për ta ushqyer dhe kujdesur për të.

Skandali që endet midis Shkodrës dhe Tiranës ka nisur 5 vjet më parë kur Diana Bahçja u divorcua me ish-burrin dhe nga kjo martesë kanë një fëmijë.

Ish-burri e ka kallëzuar nënën e fëmijës së tij për braktisje e për pasojë gjykata i ka dhënë të drejtë duke e dënuar gruan pas shqyrtimit gjyqësor.

Por bashkëshorti i saj Naim Bahçja pretendoi Diana Bahçja se është detyruar të largohet pasi ish-bashkëshorti e dhunonte dhe nuk e lejonte të takonte vajzën.