Vazhdon të rritet numri i efektivëve/ Tirana mban vendin e parë, ja sa policë kanë rezultuar pozitivë në disa qytete të Shqipërisë, mes tyre edhe punonjëse policie në moshë të re

Tirana kryeson me shifrat e efektivëve të Policisë që kanë dalë pozitiv nga testi i drogës. 25 efektivë kanë dalë përdorues të lëndëve narkotike. Në Vlorë 15 efektiv rezultojnë përdorues, në Sarandë gjithashtu 3 efektiv.

Në Elbasan përveç asaj që u zbulua të hënën një efektive e re, një tjetër koelege e saj e moshës 25-vjeçe ka rezultuar përdoruese të cilat janë shkarkuar nga detyra. Edhe në radhët e efektivëve meshkuj ka pasur raste pozitive por nuk dihet ende një numër i saktë. Në Shkodër janë të paktën 11 efektiv të konfirmuar si përdorues.

Shifra këto të bazuara në burime jozyrtare pasi Policia e Shtetit ende nuk ka zbuluar asnjë informacion rreth vijimit të këtij procesi. Gjë të cilën pritet ta komunikojë në një konferencë për mediat drejtori Gledis Nano shumë shpejt. Ndërkohë që testimet janë në vijim, disa drejtori i kanë mbajtur hermetike rezultatet e testimeve. Nga ana tjetër, edektivët që kanë rezultuar pozitiv kanë ngritur pretendime se analizat nuk kanë qenë të sakta. Disa kanë pretenduar kontekstin e moshës, pasi ka prej tyre edhe në prag pensionimi, disa të tjerë pavërtetësinë e testeve.