Vazhdon të rritet numri i të infektuarve në vend/ Ministria zbardh të dhënat zyrtare, nga 200 teste të kryera në të gjithë vendin, ja sa kanë rezultuar pozitiv

Ministria e Shëndetësisë raporton 8 raste të reja me koronavirus në 24 orët e fundit nga 200 testime të kryera në të gjithë vendin.

Aktualisht, numri i të infektuarve në vendin tonë ka shkuar në 989.

Njoftimi

COVID-19/ Ministria e Shëndetësisë: 8 raste të reja, shkon në 989 numri i të prekurve

Për më shumë se 3 javë nuk kemi humbje jete. 79% e të prekurve tashmë janë të shëruar

Dr. Rovena Daja
Instituti i Shëndetit Publik

Ju paraqesim situatën epidemiologjike të Covid19 në Shqipëri, në 24 orët e fundit.
Duke analizuar të dhënat epidemiologjike, numrin e rasteve të reja në 24 orët e fundit, numrin e vdekjeve dhe numrin e personave të hospitalizuar, mund të themi se situata epidemiologjike e Covid19 në Shqipëri paraqitet e qëndrueshme.

Aktualisht në shërbimin infektiv janë 16 pacientë të shtruar dhe vetëm 5 prej tyre në terapi intensive.

Fatmirësisht gjatë 3 javëve të fundit nuk kemi asnjë humbje jetë nga Covid19 dhe ky është një indikator që tregon qëndrueshmërinë e këtij shpërthimi epidemik.

Gjatë 24 orëve të fundit janë testuar 200 qytetarë si të dyshuar të prekur me Covid19 dhe janë konfirmuar pozitivë 8 raste.