“Pas përkeqësimit Veliaj niset drejt Turqisë për kurim më të specializuar”, vjen reagimi i menjëhershëm i kryetarit të Bashkisë Tiranë, ja si paraqitet gjendja shëndetësore

Disa media ditën e sotme kanë njoftuar se kryetari i Bashkisë së Tiranës, Erion Veliaj, është nisur për kurim të spacializuar në Turqi pasi gjendja shëndetësore e tij është përkeqësuar. I menjëhershëm ka qenë reagimi i Veliaj, ku është shprehur se gjendja e tij është drejt shërimit të plotë, dhe nuk ka asnjë të vërtetë se ka pasur nevojë për trajtim jashtë vendit.

Kryebashkiaku ndodhet në shtëpinë e tij, në pritje të testit të dytë, që bëhet për të kuptuar nëse është shëruar plotësisht nga Covid 19, pasi i pari i ka dalë negativ. Ndërkohë që në këto ditë kur ka qenë i detyruar që të qendrojë në shtëpi, Veliaj ka vijuar punën online me stafin e ngushtë të Bashkisë, ku ka ndarë edhe detyrat.

“Jam në Tiranë duke pritur testin e dytë, që të konfirmoj nëse jam shëruar apo jo. Testi i parë ka dalë negativ, dhe brenda 48 orësh pres përgjigjen e testit të dytë. Nuk jam larguar në asnjë moment jashtë vendit”, është shprehur Veliaj dhe për të faktuar vendodhjen e tij, ai ka shpërndarë dhe lokacionin e WhatsApp.