BREAKING NEWS

Surpriza të pakëndshme me bilancin e COVID, Ministria e Shëndetësisë jep detajet sa raste të reja janë shënuar 24 orët e fundit

Surpriza të pakëndshme me bilancin e COVID, Ministria e
x

Aktualitet

Vjen lajmi i mrekullueshëm për shqiptarin që ishte 4 javë në koma me Covid-19/ Mjekët gjermanë shpëtojnë 27-vjeçarin: Edhe kur shkoja në shtëpi, mendoja për të

Vjen lajmi i mrekullueshëm për shqiptarin që ishte 4 javë

Vjen lajmi i mrekullueshëm për të riun nga Shqipëria që po luftonte me vdekjen në Gjermani, pasi ishte prekur prej disa javësh nga covid-19 dhe ndodhej në gjendje kome.

Albi Bami është 27 vjeç dhe nuk ka sëmundje të mëparshme dhe as faktorë të identifikueshëm të rrezikut. Megjithatë i riu nga Shqipëria luftoi për jetën, shkruan portali gjerman, SOL.

Albi u transferua në spitalin ‘Winterberg’. Atje shanset do të përmirësoheshin për shkak se ky spital ka aparatin ECMO, një makineri që kryen pjesërisht ose plotësisht funksionin e frymëmarrjes së pacientit.

Mjeku Nikolaus Graf, që është marrë me trajtimin e shqiptarit, thotë se rasti i tij i mbeti në mendje, për shkak se ishte i ri dhe nuk kishte asnjë rrezik të njohur më parë. “Edhe kur shkoja në shtëpi, mendoja për këtë,” thotë mjeku.

Albi qëndroi në ventilim për një muaj. Më 10 nëntor, 27-vjeçari u zgjua nga koma pas katër javësh në trajtim intensiv. Sapo e mori pak veten, i dërgoi një foto familjes për të treguar se ishte në duar të sigurta.

Vëllai i Albit komunikonte kryesisht me mjekët. “Komunikimi me familje nga Shqipëria ishte i vështirë për shkak të gjuhës,” shkruan portali.

“Tani fillon një jetë e dytë për mua,” thotë shqiptari. Një mik i tij parashikoi se ai do jetojë 100 vjeç. Megjithatë duhet akoma punë përpara se të arrihet normaliteti për 27-vjeçarin. Muskujt janë akoma të dobët dhe lodhja nga sëmundja mbetet.

Më të lexuarat