Zamira Durdaj akuzon drejtpërdrejtë Fatmir Mediun: Të ngrihet akuza për vrasjen e 26 jetëve

Zamira Durdaj, zonja e cila humbi të birin në tragjedinë e Gërdecit tha në “Noë me Erla Mëhillin” se duhet ngritur një akuzë për vrasje ndaj Fatmir Mediut, asokohe ministër i Mbrojtjes.

“Nuk është një shpërdorim detyre i thjeshtë. Shpërdorim detyre mund të quhet për çdo gjë, për korrupsion, për shpërdorimin e parave publike e të gjitha, por shpërdorim detyre me vrasjen e 26 jetëve, këtë akuzë nuk e pranoj dot”, u shpreh Durdaj.

Ndërkohë, sipas Mediut, procesi është në kundërshtim me ligjin dhe thekson se hetimet kanë provuar se ai nuk ka asnjë përfshirje në veprimtari korruptive. Deputeti thekson se rinisja e hetimeve është stisur politikisht.