Zbardhen detaje të reja nga ngjarja e rëndë në Mamurras/ Xhiruan gomat dhe u konfliktuan, të rinjtë kthehen me kallash dhe qëlluan në drejtim të banesës.

Zbulohet arsyeja e të shtënave me armë në drejtim të një banese në Mamurras.

Dy persona kanë kanosur me armë zjarri, një qytetar i identifikuar si Shtjefen Ndreka, pas një konflikti të çastit për motive të dobëta në Kurbin.

Ngjarja ka ndodhur rreth orës 19:00, në lagjen “Demokracia”, Mamurras, ku dy autorët kanë duke qëlluar me armë zjarri në drejtim të banesës së tij.

Policia e Kurbinit identifikon dhe shpall në kërkim 2 autorët e dyshuar dhe ka shpallur në kërkim Paulor Noka dhe Romario Gjoni.

Ndërkohë janë ngritur pika kontrolli, si dhe vijon kontrolli i zonës, me qëllim lokalizimin dhe kapjen e autorëve të dyshuar.

Burime për Noa.al informuan se shkak i ngjarjes ka shërbyer një sherr banal. Dy të rinjtë xhironin gomat e makinës para banesë së Shtjefën Ndrekës. Ky i ka kërkuar që të largohen dhe janë konfliktuar. Ata kanë shkuar e kanë marrë armën dhe kanë qëlluar drejt banesës së tij, por fatmirësisht nuk ka pasur as të plagosur e as viktima.

Grupi hetimor, nën drejtimin e Prokurorisë, vijon veprimet hetimore në vendin e ngjarjes, me qëllim zbardhjen e plotë dhe dokumentimin ligjor të ngjarjes.