Zbardhen detajet për dhunimin e drejtorit të OSHEE, autorët i thyen krahun dhe këmbën. Zbardhen rezultatet e hetimeve të kryera

Detaje të reja janë zbardhur lidhur me dhunimin e drejtorit të OSHEE në Lezhë, Edmir Përndreca, mbrëmjen e djeshme nga persona, ende të paidentifikuar.

Si rezultat i veprimeve paraprake hetimore bëhet me dije se kjo ka të bëjë me një ngjarje të qëllimshme për shkak të detyrës, pasi autorët i kanë ndjekur lëvizjet e Përndrecës dhe e kanë qëlluar me sende të forta.

Mësohet se autorët e sulmit i kanë thyer krahun dhe këmbën drejtorit të OSHEE. Ky i fundit është dërguar në spitalin e Traumës në Tiranë për mjekim më të specializuar. Sulmi i tij vjen pas kontrollove intensive të OSHEE për vjedhje apo lidhje të pa ligjshme të energjisë elektrike. 

Kujtojmë se Edmir Përndreca është emëruar drejtor i Njësisë së së Operatorit të Shpërndarjes së Energjisë Elektrike në Lezhë prej më shumë se 1 viti, ndërsa ka një karriere të gjatë pune, si inxhinier pranë këtij institucioni.