Zhduket pa asnjë gjurmë 29-vjeçari në Tiranë, Klodiana Lala zbulon lidhjen e tij me të ekzekutuarin Can Kariqin, mikun e ngushtë të Ervis Martinajt (EMRI+FOTO)

Detaje të reja janë zbardhur për 29-vjeçarin nga Dibra, Ulvi Skana, i cili banonte në Kamëz, dhe që prej dy javësh ka humbur kontaktet me familjarët.

Gazetarja Klodiana Lala bën të ditur se 29-vjeçari Skana ishte mik me Can Kariqin, i cili u ekzekutua një vit më parë brenda makinës së tij.

Ky i fundit ishte mik me Ervis Martinajn.

29-vjeçari Skana ka humbur kontaktet me familjarët që prej 17 majit, në orën 13:30, ndërkohë që ka qenë babai i tij, i cili ka bërë denoncim në komisariat. Babai është shprehur se djali i tij nuk ka asnjë problem, por gazetarja Lala ka zbuluar se policia po heton për një largim të mundshëm të të riut me vullnetin e tij.

Ai kishte ekspuls në Gjermani, ndërsa para dy javësh kishte tentuar të dilte e jashtë shtetit, por që ishte kthyer pikërisht për shkak të ekspulsit.