Zjarri në pallatin 10-katësh në Tiranë/ Policia bën lëvizjen urgjente në prokurori, mbetet pa zbardhur ekspertiza e materialit të fasadës

Zjarri në pallatin 10-katësh pranë zonës së ish-parkut të autobuzave. Policia e kryeqytetit e ka referuar si aksidentale në prokurori ndonëse hetimet vijojnë ene për të zbardhur të plotë ngjarjen. Burime nga blutë bëjnë me dije se në vijim po priten autorizime nga prokurori i çështjes për të vijuar me marrjen në pyetje edhe të personave të tjerë, përfshirë këtu pronarin e pallatit Tanush Mëhillaj.

Mësohet se policia akoma nuk ka në dorë akt-ekspertimin e analizës së llojit të materialit që është veshur fasada e jashtme e pallatit, e cila rezultoi fatale për përhapjen e zjarrit.

Ndërkohë, ekspertët e zjarrfikëses vijojnë punën për të zbuluar shkakun e zjarrit, derisa deri në daljen përfundimtare të ekspertizës duhen edhe disa ditë, megjithatë burime bëjnë me dije se vijohet me të njëjtin rezultat, shkak mbinxehja e kondicionerit.