BREAKING NEWS

Njoftim i rëndësishëm nga Policia/ Si dhe në cilat shtete mund të lëvizin shqiptarët (DETAJET)

Njoftim i rëndësishëm nga Policia/ Si dhe në cilat shtete
x

Bota

A hyri presidenti i SHBA te bunkeri i Shtëpisë së Bardhë gjatë protestës? Vjen reagimi i parë nga Trump

A hyri presidenti i SHBA te bunkeri i Shtëpisë së Bardhë

Presidenti amerikan Donald Trump tha sot se kishte zbritur në bunkerin e sigurisë së rezidencës së tij presidenciale në Uashington DC “vetëm për ta inspektuar”.

Në një intervistë me Fox News Radio presidenti u pyet për zhvillimin e raportuar nga mediat se gjatë protestave rreth Shtëpisë së Bardhë në fundjavë, ai kishte qëndruar për një periudhë në bunkerin e sigurisë.

Trump u përgjigj: “Ishte vetëm një inspektim, qëndrova aty për shumë pak kohë. Ata më thanë se ishte koha e duhur për të zbritur poshtë e për t’i hedhur një sy, sepse ndonjëherë do të jetë nevoja për të”.

Trump kishte postuar vetë pamje nga protestat pranë Shtëpisë së Bardhë ndërsa komentonte: “Kam ndjekur çdo lëvizje dhe ndjehem më se i sigurtë”.

CNN raportonte se presidenti kishte kaluar rreth një orë brenda bunkerit gjatë kulmit të protestave, ndërsa më tej ai akuzohej se kishte provokuar përshkallëzimin e tyre kur kërcënonte protestuesit se “do të përballen me qentë më të egër dhe pushkët më famëkeqe” nëse kalonin perimetrin e sigurisë së Shtëpisë së Bardhë.

Gjatë intervistës në Fox News Radio Trump përsëriti kërcënimet për nxjerrjen në rrugë të ushtrisë: “Nëse ata nuk i thërresin mendjes këtë do ta zgjidh unë, madje shpejt”.

Më herët Trump pozoi për foto me Biblën në shkallët e kishës së St John në Uashington, ku foli për 17 minuta dhe nuk përmendi asnjëherë emrin e George Floyd.