A ka shpresë për bisedime paqeje mes Rusisë dhe Ukrainës? Kancelari Scholz jep lajmin 'e hidhur'

Kancelari gjerman Olaf Scholz nuk sheh asnjë shans për arritjen e negociatave midis Ukrainës dhe Rusisë për dhënien fund luftës mes njera-tjetrës, derisa kjo e fundit të pranojë të tërhiqet nga territoret e pushtuara.

“Ukraina refuzon negociatat derisa trupat ruse të tërhiqen plotësisht nga territori ukrainas, përfshirë Krimenë, të cilën Moska e aneksoi në 2014. Në momentin që ata bëjnë të ditur se tërheqja e trupave po ndodh, rruga është e qartë për bisedimet me Ukrainën jam shumë i sigurt për këtë, por ne ende duhet të punojmë pak drejt kësaj”, tha Scholz.

Rusia është distancuar gjithashtu nga ideja e bisedimeve të paqes, pas njoftimit të Gjermanisë dhe vendeve të tjera perëndimore për furnizimin e Ukrainës me tanke luftarake.

Më tej presidenti ukrainas, Zelensky ka deklaruar se sipas tij Rusia po rigrupon trupat për tu “hakmarrë” ndaj Evropës dhe Ukrainës,

“Tani, Rusia po përqendron forcat e saj. Ne të gjithë e dimë atë. Ajo po përgatitet të përpiqet të hakmerret, jo vetëm kundër Ukrainës, por kundër Evropës së lirë dhe botës së lirë”, ka thënë presidenti rus.