Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Argjentinë, gjendet pas 1 viti nëndetësja e zhdukur në oqean

Postuar: 17/11/2018 - 17:32

Mbetjet e nëndetëses argjentinase që u zhduk rreth një vit më parë pas një shpërthimi në bord, janë lokalizuar dje në oqeanin Atlantik, duke i dhënë kështu fund edhe shpresave më të vakëta të të afërmve të ekuipazhit prej 44 vetësh.
 
“Kemi pasur një sinjal pozitiv identifikimi të ‘ARA San Juan’ në një thellësi prej 800 metrash”, thuhet në një deklaratë të publikuar në rrjetet sociale nga Marina argjentinase.
 
Ishte një anije zhytëse pa pilot në pronësi të firmës amerikane “Ocean Infinity”, që arriti të zbulonte mbetjet, edhe pse ka dalë që në shtator në përpjekjen e fundit për të gjetur “San Juan”-in.
 
Marina humbi kontaktet me nëndetësen më 15 nëntor të vitit të kaluar, rreth 450 km nga brigjet argjentinase. Ajo po kthehej drejt bazës së saj, nga Ushuaia në pikën më jugore të Argjentinës.
 
“Kisha ende shpresa se mund të gjendeshin gjallë”, tha Luis Niz, babai i njërit prej marinarve të zhdukur, edhe pse qeveria e presidentit Mauricio Macri kishte deklaruar më herët se nuk kishte të mbijetuar nga “San Juan”-i.
 
“Anija e ‘Ocean Infinity’ vendosi të bënte një kërkim të ri dhe, falë Zotit, mundi të lokalizonte zonën”, tha zëdhënësi i Marinës, Rodolfo Ramallo për televizionin lokal “Todo Noticias”. “Tashmë nis një kapitull i ri, që nga analiza e gjendjes në të cilën është gjetur nëndetësja, e më tej. Do të shohim sesi do të procedojmë”, tha ai.
 
Marina argjentinase është kritikuar ashpër për mënyrën e menaxhimit të operacioneve të saj, që nga momenti i parë i raportimit të vonesës së nëndetëses në Mar del Plata, më 16 nëntor të vitit të kaluar.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 24/05/2019 - 17:12

Kalimi i transportit të armëve përmes lumit Colorado në Amerikë është bërë më i thjeshtë nga ndërtimi në kohë rekord i një urë nga marinsat e SHBA-ve.
 

Postuar: 24/05/2019 - 17:07

Adem Duygu, analisti ushtarak nga Turqia ka postuar së fundmi imazhet satelitore të avionit të

Postuar: 24/05/2019 - 15:27

=SHBA i ka dhënë ultimatum Turqisë, partnerit në NATO.

Postuar: 24/05/2019 - 15:12

Presidenti i SHBA, Donald Trump dhe kryesuesja e Dhomës së Përfaqësuesve, Nancy Pelosi, shkëmby

Postuar: 24/05/2019 - 11:23

Pak minuta më parë kryeministrja Britanike Theresa May ka dhënë dorëheqjen.

Postuar: 24/05/2019 - 08:33

Irani nuk do të dorëzohet ndaj presionit të SHBA dhe nuk do të braktisë qëllimet e tij edhe nës

Postuar: 23/05/2019 - 18:41

Kryeministri indian Narendra Modi shënoi sot një fitore dramatike në zgjedhjet e përgjithshme d