BREAKING NEWS

Mblidhet sërish Task Forca, Ministria e Shëndetësisë del me njoftimin zyrtar për 8 rastet e dyshuara me koronavirus në Shqipëri

Mblidhet sërish Task Forca, Ministria e Shëndetësisë del me
x

Bota

Atentati ndaj Presidentit Maduro, arrestohen personat përgjegjës

Atentati ndaj Presidentit Maduro, arrestohen personat përgjegjës

Zëvendëspresidenti venezuelian dhe ministri i Komunikimit, Jorge Rodriguez njoftoi mbrëmë në Karacas se tre persona të tjerë ishin arrestuar, me dyshimin si të përfshirë drejtpërsëdrejti në sulmin me avion shpërthyes më 4 gusht kundër presidentit të Republikës, Nicolas Maduro.

”Të arrestuarit janë ata që konsiderohen si kreu i përpjekjes së dështuar, Henryberth Rivas, i quajtur ‘Morfeo’, Angela Lizbeth Exposito Carrillo, e njohur si ‘La Perrera’ dhe një kolonel pensionist i ushtrisë, Ramon Santiago Velasco, me nofkën ‘Corocoro”, theksoi Rodriguez.

Në një konferencë shtypi, Rodriguez shtoi se mungon vetëm arrestimi i dy personave përgjegjës të cilët janë aktualisht të arratisur, Gregorio José Yaguas Monje, i njohur si ‘Latin’ dhe Yilber Alberto Escalona Torrealba, me nofkën ‘Pastor’.