Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Biden: Trump të shkarkohet, ka tradhtuar kombin

Postuar: 10/10/2019 - 15:43

Kandidati për president i Amerikës në vitin 2020, Xho Bajdën, kërkon që Donald Trump t'i nënshtrohet procedura të hetimit dhe shkarkimit. Kërkesa e Trump ndaj Ukrainës për të hetuar Bajdën dhe djalin e tij si të implikuar në korrupsion mbetet tema më e nxehtë politike në vend.
 
Ish-zëvendëspresidenti amerikan, Xho Bajdën, ka bërë për herë të parë thirrje për shkarkimin nga detyra të kreut të shtetit, Donald Trump.
 
Politikani demokrat deklaroi se telefonata e Trump-it ku i kërkonte Ukrainës të hetonte nëse djali i tij dhe ai personalisht ishin implikuar në korrupsion, ishte akt i pastër tradhtie.
 
"Me fjalët dhe veprimet e tija, presidenti Trump ka shkelur betimin, ka tradhtuar kombin dhe ka kryer vepra të dënueshme. Për të ruajtur demokracinë, integritetin tonë themelor, ai duhet të vihet nën akuzë formale," u shpreh Bajdën gjatë një tubimi elektoral në shtetin e Nju-Hempshërit, ku lufton për mbështetje për të hipur në karrigen e kryeshtetarit në vitin 2020.
 
Ligjvënësit demokratë në dhomën e ulët të Kongresit po përgatiten të pyesin dëshmitarë të tjerë që kanë dijeni për telefonatën e 25 korrikut mes dy presidentëve.
 
Hetimet po fokusohen te akuza se presidenti republikan ka kërkuar ndërhyrjen e një shteti të huaj në procesin elektoral të vendit, për të dëmtuar rivalët e tij, por edhe për t'i mohuar Ukrainës rreth 400 milionë dollarë ndihma ushtarake në këmbim të hetimit të Bajdën.
 
Shtëpia e Bardhë e ka kundërshtuar veprimtarinë e komisioneve hetimore, pasi nismat për hetimin nuk janë hedhur në votë.
Presidenti Trump tha të mërkurën se do bashkëpunojë me hetuesit nëse procesi i kthehet kushtetutshmërisë.
 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 21/10/2019 - 21:30

Presidenti i Francës, Emmanuel Macron duket se i ka hedhur pas shpine deklaratat e forta nga vendet dhe disa nga liderët europianë për bllokimin e gegociatave me Shqipërinë dhe Maqedoninë e Veriut.

Postuar: 21/10/2019 - 20:24

Japonia do të goditet nga dy stuhi të tjera rreth një javë pas tajfunit Hagibis që vrau të pakt

Postuar: 21/10/2019 - 18:48

Mbreti 67-vjeçar i Tailandës, Maha Vajiralongkorn i ka hequr sot titujt një prej bashkëjetuesve

Postuar: 21/10/2019 - 18:31

Një avion i linjave American Airlines që fluturonte nga Londra drejt SHBA ndryshoi rrugë drejt

Postuar: 21/10/2019 - 18:22

Disa pamje të frikshme janë regjistruar nga kamerat e sigurisë në gjimnazin e Portland, Oregon, k

Postuar: 21/10/2019 - 18:20

Kreu i rrjetit Wikileaks, Julian Assange dukej sot që mezi mbante lotët teksa tha se  &ldq

Postuar: 21/10/2019 - 18:17

Tre persona kanë humbur jetën si pasojë e një aksidenti ajror.