Boris Johnson merr goditjen e radhës, 3 ministra i komunikojnë mëngjesin e sotëm vendimin e papritur

Kabineti i kryeministrit britanik, Boris Johnson vijon të tkurret, pasi mëngjesin e kësaj të enjteje kanë dhënë dorëheqjen dhe 3 ministra të tjerë.

Mes tyre edhe ministri i Sigurisë Damian Hinds, i cili ka shërbyer dhe si sekretar arsimi në kabinetin e kryeministres Theresa May.

Në letrën e tij të dorëheqjes, Hinds thotë se ka pasur një “erozion serioz” të standardeve në jetën publike nën Boris Johnson.

“Më të rëndësishme se çdo qeveri apo udhëheqës janë standardet që ne mbajmë në jetën publike dhe besimi në demokracinë dhe administratën tonë publike.

Për shkak të erozionit të rëndë në këto, kam arritur në përfundimin se gjëja e duhur për vendin tonë dhe për partinë tonë është që ju të hiqni dorë si kryetar partie dhe kryeministër”, shkruan ai.

Dorëheqjen e ka dhënë edhe ministri i Thesarit Helen Whately dhe ai për Irlandën e Veriut.