Bota drejt 10 milionë të infektuar me koronavirus, përllogaritet shifra e jetëve të humbura, jepet dhe lajmi i mirë për numrin e të shëruarve

Koronavirusi është bërë tema dhe kryefjala e ditës. Pas një rënie të shifrave në shumicën e rruzullit tokësor, pandemia ka marrë sërish hov, duke u shndërruar në shqetësim kryesor për shtetet.

Vendi më i prekur është SHBA-ja, që si kurrë më parë tani po shënon shifra alarmante, rreth 40 mijë të prekur në ditë, me mijëra viktima të regjistruara në vetëm 24 orë.

Në të gjithë botën shifra është drejt rrumbullakosjes 10 milionë të infektuar dhe rreth 500 mijë viktima.

Fatmirësisht numri i të shëruarve shënon rritje dita-ditës, deri tani rezultojnë rreth 5.4 milionë persona që ia kanë dalë të mposhtin virusin.