CIA dhe Garda Kombëtare janë vënë në alarm pak ditë para inaugurimit të presidentit në Washington / Vjen reagimi i fuqishëm i Donald Trump

Pas skenave të dhunshme të javës së kaluar në ndërtesën e Kongresit, Shërbimi Sekret njoftoi të hënën se do të fillojë operacionet speciale të sigurisë që më 13 janar në vend të datës së parashikuar për më 19 janar. Garda Kombëtare konfirmoi se do të dërgojë deri në 15,000 trupa për të garantuar sigurinë gjatë ceremonisë së inaugurimit.

Por bë një vizitë të tij të fundit në kufirin mes SHBA dhe Meksikës, presidenti Donald Trump, foli para gazetarëve për dramën e fundit në Uashington.

"Ne nuk duam dhunë," u shpreh Trump para gazetarëve.

Ai vazhdoi të dënojë përpjekjen e fundit të Demokratëve për ta fajësuar atë se ai u përpoq të nxisë një kryengritje të dhunshme kundër qeverisë së SHBA javën e kaluar.

Përpjekjet e demokratëve Trump i quan si "vazhdim i gjuetisë më të madhe të shtrigave në historinë e politikës. Unë mendoj se po shkakton zemërim të jashtëzakonshëm", shton ai.