Dërgimi i tankeve në Ukrainë 'tërbon' Rusinë, paralajmëron zyrtari i BE-së: Faza e dytë mund të jetë një konflikt global

Rusia tani është në luftë kundër NATO-s dhe Perëndimit dhe e ka çuar pushtimin e Ukrainës në fazën e dytë, ka pranuar një zyrtar i lartë i BE-së, duke ngritur kërcënimin e tmerrshëm të konfliktit global.

Një marrëveshje "ndryshuese e lojës" midis liderëve perëndimorë për të pompuar tanke të sofistikuara në vend për të shtypur forcat pushtuese të Kremlinit, ka ndezur zemërim në Moskë, e cila është kapluar nga një luftë në përshkallëzim përtej kufijve të Ukrainës. 

Siç raportohet nga Daily Mail, Stefano Sannino, Sekretari i Përgjithshëm i Shërbimit të Veprimit të Jashtëm të Bashkimit Evropian, tha se Vladimir Putin do të shtojë sulmet pa dallim ndaj civilëve dhe objektivave joushtarake dhe do të hakmerret kundër Perëndimit, shkruajnë mediat e huaja. 

Duke folur në një konferencë shtypi në Tokio, si pjesë e turneut të tij Azi-Paqësor, ai tha se Putin kaloi nga koncepti i një operacioni special në konceptin e tanishëm të luftës kundër NATO-s dhe Perëndimit.