BREAKING NEWS

Mbi 4 mijë testime! Zbardhen të dhënat, sa raste të reja me COVID u regjistruan në 24 orët e fundit në Shqipëri, zbulohen zonat më 'të nxehta'

Mbi 4 mijë testime! Zbardhen të dhënat, sa raste të reja me
x

Bota

Dilema për dozat Sinovac, zyrtari i lartë i kontrollit të sëmundjes në Kinë e pranon hapur ‘të metën’ e vaksinës

Dilema për dozat Sinovac, zyrtari i lartë i kontrollit të

Gao Fu, zyrtari më i lartë i kontrollit të sëmundjes në Kinë, thotë se efektiviteti e vaksinave kineze është i ulët. 

“Vaksinat kineze nuk kanë norma shumë të larta mbrojtjeje“, tha drejtori i Qendrave Kineze për Kontrollin e Sëmundjeve, Gao Fu, në një konferencë të shtunën në qytetin jugperëndimor të Chengdu.

Pekini ka shpërndarë qindra miliona doza jashtë ndërkohë që përpiqet të nxisë dyshime në lidhje me efektivitetin e vaksinës Pfizer-BioNTech.


“Tani është nën shqyrtim zyrtar nëse duhet të përdorim vaksina të ndryshme nga linja të ndryshme teknike për procesin e imunizimit,” tha Gao.

Ndërkohë, zyrtarët në një konferencë shtypi të dielën nuk iu përgjigjën drejtpërdrejt pyetjeve në lidhje me komentin e Gaos ose ndryshimeve të mundshme në planet zyrtare. Por një tjetër zyrtar i CDC tha që zhvilluesit po punojnë për vaksinat e bazuara në mARN.

“Vaksinat e ARN-së të zhvilluara në vendin tonë gjithashtu kanë hyrë në fazën e provës klinike”, tha zyrtari, Wang Huaqing. Ai nuk dha asnjë afat kohor për përdorimin e mundshëm.

Ekspertët thonë se përzierja e vaksinave, ose imunizimi vijues, mund të rrisë efektivitetin. Studiuesit në Britani po studiojnë një kombinim të mundshëm të Pfizer-BioNTech dhe vaksinës tradicionale AstraZeneca.

Vaksinat e bëra nga dy prodhues shtetërorë të ilaçeve, Sinovac dhe Sinopharm, janë eksportuar në 22 vende duke përfshirë Meksikën, Turqinë, Indonezinë, Hungarinë, Brazilin dhe Turqinë, sipas ministrisë së jashtme.

Efektiviteti i një vaksine Sinovac në parandalimin e infeksioneve simptomatike u zbulua të ishte deri në 50.4% nga studiuesit në Brazil, afër pragut 50% në të cilin ekspertët e shëndetit thonë se një vaksinë është e dobishme. Ndërkohë, vaksina Pfizer-BioNTech është 97% efektive. Ekspertët e shëndetit thonë se vaksinat kineze nuk kanë gjasa të shiten në Shtetet e Bashkuara, Evropën Perëndimore dhe Japoni për shkak të kompleksitetit të procesit të miratimit.

Shqipëria është gjithashtu një ndër vendet që ka marrë vaksinën kineze, ndonëse nuk është miratuar nga rregullatori europian i barnave, EMA.