Dita e 69 e luftës/ Zhduken 11 autobusë të mbushur me civilë në Ukrainë

Kryetari i Bashkisë së Mariupolit, Vadym Boichenko, ka ngritur shqetësimin se 11 autobusë të mbushur me civilë kanë humbur të gjitha kontaktet.

Autobusët kishin marrë civilët që qëndronin të bllokuar në Mariupolin e shkatërruar për t’i evakuuar ata më pas në një zonë të sigurt nën kontrollin e forcave ukrainase. Megjithatë, Boichenko ka thënë se vetëm 3 nga autobusët e nisur nga Mariupoli kanë mbërritur në Zaporizhzhia.

“Vetëm 3 nga 14 autobusët e evakuimit me civilë arritën në territorin e kontrolluar nga qeveria ukrainase. Fati i njerëzve në 11 autobusë nuk dihet. 11 autobusë janë zhdukur”, deklaroi kryetari i bashkisë së Mariupol Vadym Boichenko.

Dita e 69 e luftës së Rusisë në Ukrainë nisi me sirenat e luftës. Ato u dëgjuan në disa qytete në lindje të vendit. Ushtria ruse bombardoi uzinën e çelikut në Mariupol, aty ku thuhet se mbi 200 civilë kanë mbetur ende të bllokuar.

“Shpresoj se do të ketë një raund tjetër dhe ata civilë që mbeten ende në territorin e uzinës të largohen. Bëhet fjalë për rreth 20 fëmijë, numëruam dhe qindra të rritur të tjerë, gra dhe të moshuar. Ne duhet të bëjmë një lloj operacioni shpëtimi sepse njerëzit janë nën rrënoja.