Ditët e tij janë të numëruara, ja kush do vijë pas Vladimir Putinit në krye të Rusisë dhe skenari i bujshëm se si do të përfundojë lufta në Ukrainë

Kush do të jetë pasardhës i Vladimir Putinit? Po luftës në Ukrainë kur do t’i vije fundi. Që kur ka filluar lufta në Ukrainë nga forcat ushtarake ruse këto dy pyetje janë temat që janë përfolur më shumë. Shumë  hipoteza janë hedhur në lidhje me këto çështje. Një ndër hipotezat më me zë është ajo e ish- korrespodentit të BBC-së në Moskë Philip Short. Në një intervistë për gazetën italiane Corriera della Serra ai u shpreh se zgjedhjet presidenciale që priten të mbahen në Rusi në vitin 2024 do të jenë vendimtare si për luftën në Ukrainë ashtu edhe për vetë presidentin rus Vladimir Putin.

Rusët nuk e mbështesin Putinin

Gazetari mendon se këto zgjedhje nuk do të jenë një sfidë e lehtë për Putinin  pasi pas fillimit të sulmeve ruse në Ukrainë besueshmëria dhe mbështetja e rusëve ndaj liderit të tyre ka rënë. Dmth një hipotezë është se ai mund të humbasë zgjedhjet presidenciale pasi nuk ka mbështetjen e popullit të tij. Kohët e fundit në rangun burokratik rus po përflitet për një hipotezë tjetër se do të jetë vetë lideri rus ai që do të  bëjë një hap mënjaanë duke lënë kështu hapësirë për një pasues të cilin mendohet që do ta propozoje vetë. Diçka e tillë do të lehtësonte dhe do të thjeshtësonte dhe zgjidhjen e çështjes së luftës në Ukrainë. Nëse Putini do të zgjedhë atëherë ai do të zgjedhë dikë të cilit ai mendon se mund t’i besojë sigurinë e tij personale dhe trashëgiminë e tij. Ai do të përpiqet të sigurojë që kushdo që shfaqet si presidenti i ri të jetë një person shumë më pak i fuqishëm se sa është bërë Putin.

Rival i ri për Putinin

Nuk duhet përjashtuar mundësia e lindjes së një rivali brenda aparateve burokratike ruse si psh midis fraksioneve silovikët apo dhe oligarkët. Rivalitete këto që kanë ekzistuar gjithmonë, madje mendohet që diçka e tillë mund të nxitet dhe nga vetë Putini por që siç duket deri tani nuk kanë qenë aspak shqetësuese për liderin rus. Nuk përjashtohet mundësia që këto forca të bashkohen kundra tij dhe kjo do të shënonte fundin e Putinit. Kjo në të njëjtën kohë do të sillte dhe një kaos ushtarak në Rusi që nuk do ta dëshironte askush. Trazirat ushtarake në Ukrainë, pasiguria politike në Rusi dhe lajmet e shfaqura herë pas herë në lidhje me shëndetin e tij bëjnë  që elitat po diskutojnë në heshtje diçka që do të kishte qenë e paimagjinueshme vetëm disa muaj më parë:  kush do ta pasoje Putinin dhe si do të jeta në vend jeta pas Putinit. Pasi tashmë diçka është shumë e qartë reputacioni i Putinit është dëmtuar rëndë  dhe në një mënyrë apo tjetër, ditët e tij janë të numëruar.

Lufta Rusi-Ukrainë

Sipas Short, Cari rus dëshiron paqe por me kriteret dhe kushtet e tij. Ai nuk dëshiron luftë të përhershme pasi kjo do t’i kushtonte atij jo vetëm  dobësi ekonomike, por do të vihej në rrezik posti i tij. Ndaj mendohet që do të ketë një armëpushim pasi bëhet fjalë për një lodhje të të dy palëve. Normalisht që kjo do të varet nga furnizimi që do të bëjnë vendet e tjera në Ukrainë. Putini shpreson se Perëndimi do të humbasë entuziazmin në mbështetje të Ukrainës, por edhe nëse sanksionet hiqen nesër, dëmi i bërë tashmë do të thotë se ekonomisë ruse do t’i duhen vite për t’u rikuperuar. Sanksionet kanë kontribuar gjithashtu në rritjen e inflacionit në pothuajse 18 për qind dhe së bashku me me rritjen e papunësisë në vend është bërë  një problem shumë serioz. Ndërkohë, ushtria ka vështirësi në gjetjen e njerëzve për të plotësuar gradat e saj dhe gjeneralët janë të zemëruar për rishqyrtimin e Putinit për mobilizimin e rezervistëve.

Armëpushim apo përfundim të luftës

Por a do të ketë armëpushim apo përfundim të luftës. Është e vështirë të thuhet diçka konkrete por dihet tashmë se fokusi i Putinit aktualisht është përqëndruar tek lindja e Ukrainës. Sipas analistëve Rusia mund t'i ndalë luftimet, vetëm nëse merr plotësisht rajonet në lindje. Përfundimi i luftës në Ukrainë është tashmë një lojë pritje dhe një lojë hamendësimi për të gjithë pasi ka kaq shumë skenarë.  Për shumë analist, aleatët dhe qeveria ukrainase duhet të fillojnë të mendojnë sesi të arrijnë synimet, pa u mbështetur tek një luftë më e madhe, skenar që nuk e dëshiron askush.