“Do zhduket nga faqja e dheut nëse...”/ Nuk përmbahet presidenti rus, kë po paralajmëron Putin

Vladimir Putin u zotua të premten gjatë një interviste me gazetarët rusë se çdo vend që guxon të sulmojë Rusinë me armë bërthamore do të “zhduket nga faqja e dheut”.

Presidenti rus tha se Rusia nuk kishte synim për të nisur një sulm ??bërthamor, ndryshe nga Shtetet e Bashkuara, por shtoi se armët e avancuara hipersonike të forcave të tij do të siguronin që Kremlini të mund të përgjigjej me forcë në rast se do sulmohej.

Putin u tha gjithashtu gazetarëve se në fund të fundit do të duhet të arrihet një marrëveshje për t’i dhënë fund konfliktit të vazhdueshëm në Ukrainë, duke pretenduar se Moska ishte e hapur për arritjen e një marrëveshjeje, por deklaroi se besimi me fuqitë perëndimore dhe ukrainase ishte “pothuajse zero”.

Duke iu drejtuar mediave pas një takimi me krerët e Bashkimit Ekonomik Euroaziatik, Putin tha se Rusia donte të gjente një zgjidhje paqësore në Ukrainë, por u tradhtua nga prishja e marrëveshjeve të Minskut.