E frikshme/ Nuk do ta besoni çfarë do të ndodhte me njerëzit nëse zhurma e Diellit do dëgjohej në Tokë

Fizikantët diellorë nga Universiteti i Standfort kanë zbuluar zhurmën që Dielli ka në sipërfaqe, të cilën për fat të mirë nuk e dëgjojmë dot në Tokë.

Akademia Amerikane e Audiologjisë tha se nëse tingujt do të udhëtonin nëpër vakumin e hapësirës, në kohën që do të arrinin në tokë do të ishin rreth 100 decibel.

Zhurma në Diell krijohet për shkak të rrjedhjes së vazhdueshme të materialit të nxehtë në sipërfaqe dhe zhytjes së materialit të ftohtë drejt qendrës së yllit.

Ky proces bën që të krijohet një zhurmë e cila supozohet të jetë deri në 100 herë më e fortë se një koncert rroku. Këto zhurma janë cilësuar si “sirena ulëritëse”.

Astronomët e zbuluan këtë fakt duke regjistruar valët e presionit akustik në Diell, nëpërmjet një instrumenti të quajtur “Michelson Doppler Imager” i cili është i montuar në anijen kozmike SOHO që obvservon Diellin rreth 1.6 milionë kilometra nga Toka.

Njerëzit në Tokë nuk i dëgjojnë dot këto zhurma, pasi valët janë në frekuenca shumë të ulëta për veshin e njeriut. Por nëse do dëgjoheshin, këto zhurma mund të shurdhonin çdo person në botë.

Tani, shkencëtarët kanë mundur që të përshpejtojnë këto frekuenca me 42  mijë herë mnë shpejt, duke bërë të mundur dëgjimin e Diellit tonë për herë të parë.

Rezultati vjen nga 42 ditë regjistrimi, të kompresuara në disa sekonda audio.