“Eliminimi” i Zelensky-t, vjen reagimi i menjëhershëm i Kremlinit

Zëdhënësi i Kremlinit Dmitry Peskov ka refuzuar të komentojë pretendimin se presidenti Vladimir Putin i ka premtuar ish-kryeministrit izraelit se nuk do të vrasë homologun e tij ukrainas, Vladimir Zelensky.

Peskov tha se Moska preferon të mos zbulojë detaje në lidhje me bisedat e personale me liderët e huaj.

Kujtojmë që shtunën, ish-kryeministri izraelit Naftali Bennett deklaroi në një intervistë se gjatë takimit të tij me Putinin marsin e kaluar, lideri rus i premtoi se nuk do e vrasë Zelsnky-n.

Peskov konfirmoi se të dy liderët mbajtën “një dialog shumë intensiv” dhe “komunikuan shpesh” gjatë mandatit të Bennett si kryeministër. Megjithatë, zëdhënësi refuzoi të ndajë informacione konfidenciale.

“Në axhendë, përveç marrëdhënieve dypalëshe, ishte edhe tema e Ukrainës. Por ,ju e dini se ne nuk zbulojmë detaje të bisedimeve mes krerëve të shteteve. Prandaj, nuk do ta përgënjeshtroj dhe as do ta konfirmoj atë që tha zoti Bennett”, tha Peskov.

Kryeministri i atëhershëm Bennett takoi Putin marsin e kaluar dhe kanë diskutuar në lidhje me Luftën në Ukrainë.