Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...
Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’
Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi
Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...
Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK
Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet
Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë
Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...
"Çështja ende po hetohet ...", New York Times për akuzat ndaj McGonigal: Nuk punonte për oligarkun rus kur ishte në FBI
Shkruar nga SOT.COM.AL 29 Janar 2023
Çështja hetimore për ish agjentin e FBI-së, Charles McGonigal, ka bërë jo pak zhurmë mediatike edhe në Shqipëri. Ish zyrtari i lartë u përfol për takimin me kryeministrin Edi Rama teksa ishte në detyrë. Por që në fakt më pas u zbardhën skemat abuzuese të krerëve më të lartë të Sali Berishës.
Në një artikull të publikuar së fundmi nga media prestigjoze amerikane, New York Times, thuhet se gjatë kohës që ish agjenti i FBI-së, McGonigal ishte në detyrë, nuk provohet se ai punonte për oligarkun rus, Oleg Deripaska. Në vendin tonë, opozita hodhi një sërë akuzash për afera korruptive të McGonigal me Agron Nezën, një biznesmen shqiptaro-amerikan dhe ish punonjës i inteligjencës shqiptare në kohën e komunizmit.
Këto akuza, opozita ia drejtoi kryeministrit Rama. Por që në fakt, në sajë të hetimeve dhe në aktakuzën e autoriteteve amerikane nuk flitet për korrupsion apo edhe për mosdeklarim të të ardhurave nga ish zyrtari i FBI-së.
“Nuk ka asnjë tregues në aktakuzën e Manhatanit se z. McGonigal punonte për Oleg Deripaska ndërsa ishte ende i punësuar në FBI. Çështja ende po hetohet dhe një aktakuzë paralele në Uashington që e akuzonte zotin McGonigal se kishte marrë të paktën 225.000 dollarë pagesa sekrete nga një ish-punonjës i një shërbimi inteligjent shqiptar kur ishte ende në agjenci, ka ngritur pikëpyetje se sa i kompromentuar mund të ketë qenë ai në këtë çështje”, citohet në shkrimin e publikuar nga gazeta amerikane.
Ish zyrtari i lartë i FBI-së po hetohet në gjendje të lirë në SHBA dhe Uashington për dy akuza. E para me dyshimin se ka ndihmuar Oleg Deripaska, një oligark rus nën sanksione, me qëllim që të hiqet nga lista e biznesmenëve të sanksionuar nga qeveria e Shteteve të Bashkuara.
Ndërsa akuza e dytë lidhet me dyshimet se McGonigal ka marrë 225 mijë dollarëve nga shqiptaro-amerikani Agron Neza, për të ndikuar që një koncesion të majmë të hidrokarbureve t’i jepej një kompanie të administruar nga Shefqet Dizdari, i cili më pas bëhet edhe ortak biznesi me Nezën.
Shefqet Dizdari, me profesionin e tij si avokat, në vitin 2012, kohë kur qeveriste vendin Sali Berisha, u zgjodh anëtar i Gjykatës Kushtetuese.