Çfarë ndodhi? Italia ngre padi ndaj Gjermanisë, ja kërkesa e papritur

Çdo viktimë e mizorive naziste në Itali dhe të afërmit e tyre duhet të paraqesin një kërkesë kompensimi kundër Gjermanisë  deri më 28 qershor. Kjo për ti dhënë fund mosmarrëveshjeve shumëvjeçare mes dy vendeve.

Në janar të këtij viti, 99-vjeçari italian Quinto Nuzi ngriti një kërkesë kundër Gjermanisë për 130,000 euro.

Paratë do të ishin kompensim për vuajtjet që kaloi Nuzi gjatë Luftës së Dytë Botërore, kur u arrestua nga forcat gjermane në vitin 1943 dhe u burgos për 20 muaj në një kamp nazist të punës së detyruar në Poloni.

Padia e tij erdhi 78 vjet pas tmerreve që pësoi në kamp, por ai u tha mediave italiane se nuk e kishte idenë deri vonë se mund të kishte të drejtë për dëmshpërblim.