Çfarë po ndodh? Tensionet në veri të Kosovës, makinat e KFOR hyjnë në oborrin e një kopshti në Mitrovicë

Dy xhipa të KFOR-it sot kanë hyrë në oborrin e çerdhes “Naša radost” në Leposaviq të Mitrovicës së Veriut pas tensioneve të raportuara që ditën e djeshme.

Sipas mediave serbe, punëtorët që i kanë vërejtur kanë shkuar në hyrjen kryesore të kopshtit, por pjesëtarët e KFOR-it që kanë zbritur nga xhipat pasi kanë hyrë në oborr nuk kanë dashur të komunikojnë me ta. Siç thanë punëtorët e kopshtit, kjo ka ndodhur teksa fëmijët ishin duke fjetur.

Anëtarët e KFOR-it shkurtimisht kërkuan nga punëtorët që të hapin portën e hyrjes kryesore në mënyrë që ata të mund të largohen nga kopshti, gjë që e bënë menjëherë pas kësaj.

Ditën e martë më datë 6 dhjetor 2022, në Veriun e Kosovës ka pasur shpërthime, pasi serbët lokalë nuk po pranojnë mbajtjen e zgjedhjeve lokale të dhjetorit. Zgjedhjet e jashtëzakonshme u shpallen pasi kryetarët nga radhët e Listës Serbe dhanë dorëheqje.