Finlanda i përgjigjet Rusisë ‘dhëmbë për dhëmbë’: Jemi gati, qoftë edhe ushtarakisht

Finlanda ka reaguar ndaj kërcënimeve të Rusisë duke thënë se është e gatshme t’i përgjigjet, nëse është e nevojshme, çdo lloj presioni apo hakmarrjeje ruse për synimin e saj për t’u anëtarësuar në NATO.

Kremlini ka njoftuar se nga nesër, e shtunë, do t’i ndërpresë energjinë elektrike Helsinkit. Duke iu përgjigjur kërcënimeve, Ministria e Jashtme finlandeze në një deklaratë për revistën amerikane Newsweek deklaroi se Finlanda “është një shtet sovran dhe merr vendime të pavarura për sigurinë dhe mbrojtjen e saj”.

“Finlanda është e vetëdijshme për sfidat e ndryshme të përfshira në procesin e anëtarësimit në NATO dhe është e përgatitur për një sërë kërcënimesh hibride, kërcënime kibernetike dhe mjete ushtarake të presionit”, tha ministria e Jashtme finlandeze në një deklaratë.