Gazetari i njohur italian paralajmëron planin e frikshëm të Kinës që po alarmon NATO: Pas Putinit, ja “tërmeti” që do të shkaktojë Xi Jinping 

Përveç presidentit rus Vladimir Putin, NATO ka përshkruar një armik të ri: Xi Jinping. Gazetari i njohur italian, Federico Rampini zbulon lajmet më të fundit që dalin nga samiti i Aleancës Atlantike: “Kina është një tjetër rrezik potencial, kjo nuk do të thotë se ne jemi në luftë me Pekinin, por që nuk duhet të jemi naive duke pasur parasysh se Xi Jinping ka kaq shumë mënyra për të na sulmuar dhe NATO ka filluar të mendojë se si të mbrohet”. Kina ka në qendër planin për pushtimin e Tajvanit. Sipas tij, lëvizja kineze “do të na fundosë sepse do të kishim mungesë gjysmëpërçuesish që bëjnë gjithçka që kemi të funksionojë, vetëm të mendojmë për celularët dhe makinat”. Por jo vetëm kaq, sepse Kina praktikon “spiunazh industrial, hakerim”. Më pas është Suedia dhe Finlanda, ato që Rampini i përkufizon si “dy popuj me një traditë të lashtë liberale”, të cilët panë “rrezikun përballë asaj që Putini ka bërë dhe vazhdon të bëjë çdo ditë”. Pak ditë më parë, për luftën në Ukrainë, gazetarit i kishte rënë durimi. “Duhet të themi të vërtetën dhe të shpjegojmë se si qëndrojnë gjërat. Ne si Itali po financojmë Putinin. Duke blerë gaz nga Rusia po paguajmë Putinin dhe po pasurojmë Moskën. Të gjithë ne, po i japim paratë që i duhen Kremlinit për të vazhduar konfliktin”. Ai tha se objektivi i vërtetë rus dhe kinez është një rend i ri i përshtatur për interesat e tyre perandorake. Kujtojmë se Kina i është bashkuar Rusisë për të kundërshtuar zgjerimin e mëtejshëm të NATO-s, ndërsa të dy vendet afrohen më shumë përballë presionit perëndimor. Rritja e Rusisë dhe Kinës e detyroi SHBA-në të rimerrte pozicionin që kishte pasur midis viteve 1945-1991. Por e njëjta rritje e ka bërë më të pambrojtur Moskën dhe Pekinin.