Gjendet i pajetë në det ish-ministri i njohur, ja çfarë ka ndodhur

Policia, peshkarexha, helikopterë dhe Rojet Bregdetare kanë gjetur trupin e pajetë të ish-ministrit grek të Rendit, Sifis Valirakis pas alarmit që dha bashkëshortja e tij.

Kufoma e tij është gjetur në ujërat e gjirit të Evisë, pak çaste më parë. Mediat greke nënvizojnë se 78-vjeçari u gjet pa shenja jete, pak më tej se anija e tij.

Ish-ministri kishte shkuar për të pushuar në vilën e tij në Eretria, dhe gjatë kësaj kohë kishte vendosur që të bënte një udhëtim me varkë. Pasi kaluan disa orë, bashkëshortja e tij u shqetësua dhe njoftoi menjëherë Policinë se ai nuk ishte kthyer nga udhëtimi.

Mediat greke shkruajnë se fillimisht u gjet varka e tij, dhe më pas trupi i pajetë i ministrit. Nuk dihet ende çfarë ka shkaktuar vdekjen e tij, ndërkohë që hetimet kanë nisur nga autoritetet vendase.

Sifis Valyrakis, me origjinë nga Chania, u zgjodh deputet për herë të parë në 1997 dhe shërbeu si ministër në qeveritë e PASOK.