BREAKING NEWS

Shpallen ‘non-grata’ nga SHBA 16 zyrtarë, Antony Blinken del me paralajmërimin e fortë: Do thyejmë lidhjet e...

Shpallen ‘non-grata’ nga SHBA 16 zyrtarë, Antony Blinken del me
x
BREAKING NEWS

Escobar vjen në Tiranë, Spartak Ngjela zbulon se çfarë do të ndodhë nesër: SHBA do tregojë forcën ndaj këtij politikani shqiptar

Escobar vjen në Tiranë, Spartak Ngjela zbulon se çfarë do
x
BREAKING NEWS

Yuri Kim jep detaje të reja për planin strategjik të SHBA për të luftuar korrupsionin: Me urdhër ekzekutiv të Biden...

Yuri Kim jep detaje të reja për planin strategjik të SHBA
x
BREAKING NEWS

“Janë të dy të rrezikuar nga politika amerikane”, Spartak Ngjela flet me emra dhe paralajmëron fundin e ‘frikshëm’ për këta 2 politikanë shqiptarë: Ky është fakt!

“Janë të dy të rrezikuar nga politika amerikane”,
x
BREAKING NEWS

Ministria e Shëndetësisë zyrtarizon të dhënat e fundit të Covid: Mbi 5000 pacientë aktiv në vend, ja sa janë infektuar në 24 orët e fundit

Ministria e Shëndetësisë zyrtarizon të dhënat e fundit
x
BREAKING NEWS

“Të ndalojmë të korruptuarit të veprojnë pa u ndëshkuar”/Çfarë po paralajmëron? Ambasadorja Yuri Kim shpërndan mesazhin e rëndësishëm

“Të ndalojmë të korruptuarit të veprojnë pa u
x
BREAKING NEWS

Mesazhi i fortë nga SHBA, Antony Blinken publikon emrat: Këta janë Kampionët tanë Antikorrupsion, së bashku do të ndëshkojmë të korruptuarit

Mesazhi i fortë nga SHBA, Antony Blinken publikon emrat: Këta
x
BREAKING NEWS

Frrok Çupi plas ‘BOMBËN’ për Sali Berishën, paralajmëron zhvillime të forta: Jam i bindur. Pas arrestimit të tij do të...

Frrok Çupi plas ‘BOMBËN’ për Sali Berishën,
x

Bota

Gjykata Europiane e Drejtësisë nxjerr vendimin: Polonia duhet të paguajë çdo ditë një milion euro për reformën në drejtësi

Gjykata Europiane e Drejtësisë nxjerr vendimin: Polonia duhet të

Në një periudhë jo të mirë të marrëdhënieve mes Polonisë dhe Bashkimit Europian, Gjykata Evropiane e Drejtësisë ka marrë dje vendimin për të detyruar Poloninë të paguajë një shifër prej milion eurosh në ditë. Shkak për një vendim të tillë është vërë refuzimi nga shteti polak për të pezulluar funksionin e Dhomës Disiplinore të Gjykatës së Lartë. Komisioni Evropian kërkoi gjobitjen muajin e kaluar pasi autoritetet polake nuk respektuan një vendim të mëparshëm të muajit korrik që urdhëronte pezullimin e menjëhershëm të aktiviteteve të dhomës. "Përmes vendimit të sotëm zëvendëspresidenti i Gjykatës detyroi Poloninë të paguajë një dënim prej 1 milion euro në ditë, duke e llogaritur nga data në të cilën ky vendim i është dorëzuar Polonisë", tha Gjykata. Ka kohë që Bashkimi Evropian dhe Polonia janë përfshirë në mosmarrëveshje në lidhje me reformat në gjyqësor të këtij vendi. REL raporton se Bashkimi Europian thotë se ato e dëmtojnë pavarësisë e sistemit gjyqësor. Ekspertët thonë se krijimi i Dhomës Disiplinore të Bllokut Evropian është pjesë e përpjekjeve të nacionalistëve në pushtet për të shtuar kontrollin politik në sistemin e drejtësisë. Varshava këmbënguli se masa ishte e nevojshme për të luftuar korrupsionin midis gjyqtarëve. Mosmarrëveshjet mes BE-së dhe Polonisë arritën kulmin më 7 tetor kur Gjykata Kushtetuese e Polonisë vendosi që të hedhë poshtë parimin e përparësisë së ligjit të BE-së mbi legjislacionin kombëtar, në çështje të caktuara gjyqësore. Gjykata Kushtetuese ka thënë se disa nene të traktatit të BE-së nuk janë në përputhje me Kushtetutën e Polonisë. Dhe, sipas saj, gjykatësit polakë nuk duhet ta përdorin ligjin e BE-së për të vënë në dyshim pavarësinë e kolegëve të tyre. Vendimi shkaktoi një kundërshtim të ashpër nga Brukseli dhe zyrtarë të lartë të BE-së i kujtuan Polonisë se "një nga shtyllat e BE-së është përparësia e ligjit të BE-së". Vendimi nxiti edhe protesta pro-BE-së në Varshavë pasi ekzistojnë shqetësimet se Partia për Ligj dhe Drejtësi në pushtet mund të iniciojë një Polexit, pra një dalje të vendit nga Bashkimi Evropian. Polonia ka thënë se aktiviteti i Dhomës Disiplinore do të shfuqizohet si pjesë e reformave më të gjëra, por nuk ka paraqitur ende plane të detajuara. Disa liderë të BE-së kanë kërkuar që blloku të kushtëzojë këtë vend anëtar me ndaljen e fondeve prej 36 miliardë dollarësh, mirëpo kryeministri polak Mateusz Moraëiecki tha se vendi i tij ishte "gati për dialog", dhe se nuk do të "vepronte nën presionin e shantazhit".

Reagimi nga Polonia

Kryeministri Mateusz Morawiecki në një intervistë të dy ditëve më parë, foli qartë kundër praktikave të aplikuara deri tani ndaj Polonisë nga Bashkimi Europian i cili po kushtëzon fondet e rimëkëmbjes pas pandemisë me zbatimin e ligjeve europiane dhe sigurimin e pavarësisë së gjyqësorit. Morawiecki kërkoi që Komisioni të tërhiqte kërkesën për gjobat ditore të paguara nga Varshava në moszbatimin e vendimit të Korrikut të Gjykatës së Drejtësisë për pavlefshmërinë e Dhomës Disiplinore të Gjykatës së Lartë Polake. “Ne do t’i marrim këto para herët a vonë”, tha ai, duke paralajmëruar se sa më vonë t’i marrim, aq më e fortë do të jetë prova se ekziston një trajtim i tillë diskriminues dhe një qasje diktatike nga Komisioni Europian. Morawiecki i krahasoi këto kërcënime me bllokimin e mundshëm të ndihmës financiare nga BE me vendosjen e armës në kokë për Poloninë pas përjetimit të pandemisë së COVID-19. Morawiecki kërcënoi se do të hakmerrej duke përfshirë potencialisht kundërshtimin ndaj politikës së BE-së për ndryshimet klimatike. Këto para duhet të ishin paguar tashmë ndersa kjo është një shkelje e procedurës nga Komisioni Evropian pretendon Kryeministri polak. Një sfidë që Morawiecki e konsideroi të barabartë me “fillimin e Luftës së Tretë Botërore“. Këto përplasje mes Polonisë dhe pjesës tjetër të BE-së u radikalizuan pasi gjykata Kushtetuese polake kërkoi të vendoste ligjin e brendshëm mbi ligjin e BE-së. Ndërsa Kancelarja gjermane bëri thirrje për një kompromis, Presidenti francez, Emmanuel Macron, kërkoi që Polonia të ndëshkohej.