Horror/ Nëna mbyt dy fëmijët e mitur, tenton dhe me të tretin dhe pastaj merr vendimin drastik ndaj vetes, reagon Policia: Kjo është një tragjedi e paimagjinueshme

Një ngjarje e rëndë ka ndodhur në Shtetet e Bashkuara të Amerikës. Një nënë 32-vjeçare ka mbytur dy fëmijët e saj të mitur, ndërsa ka tentuar të mbysë edhe të tretin.

Mediet e huaja shkruajnë se pas kësaj, 32-vjeçarja ka tentuar t’i japë fund jetës së saj, duke u hedhur nga dritarja, por nuk ia ka dalë. 32-vjeçarja Lindsay Clancy, akuzohet për tre vepra penale, për dy vrasje me mbytje, të vajzës së saj 5-vjeçare dhe të birit 3-vjeçar. Ndërsa vepra penale e tretë është vrasje në tentativë, pasi për fat të mirë fëmija i tretë nuk vdiq.

Aktualisht 32-vjeçarja ndodhet në spitalin e Bostonit, pasi mori lëndime të rënda trupore kur tentoi të vriste veten, duke u hedhur nga dritarja.

“Kjo është një tragjedi e paimagjinueshme, e pakuptimtë dhe hetimi është në vazhdim”, tha policia.

Hetuesit po shqyrtojnë mundësinë që Clancy vuante nga depresioni pas lindjes. Familjarët e saj thanë se janë në gjendje shoku.